Lemon | రికార్డు స్థాయికి నిమ్మ ధ‌ర‌.. ఒక్క కాయ ఎంతో తెలుసా?

Lemon | త్రినేత్ర‌.న్యూస్‌: రాష్ట్రంలో నిమ్మకాయల (Lemon) ధరలు రికార్డు స్థాయికి చేరాయి. సామాన్య, మధ్యతరగతి ప్ర‌జ‌లు నిమ్మ‌కాయ కొనాలంటేనే భ‌య‌ప‌డిపోతున్నారు. మూడు వారాల క్రితం వరకు కిలో నిమ్మ‌కాల‌య ధ‌ర‌ రూ.50 ఉండ‌గా, ప్రస్తుతం మారెట్లో రూ.200 నుంచి రూ.240 వరకు ప‌లుకుతున్న‌ది. దిగుబ‌డి ప‌డిపోవ‌డంతోపాటు, ఎండల తీవ్రత పెరుగడంతో ప్రజలు శీతల పానీయాలు, ముఖ్యంగా నిమ్మరసం వైపు మొగ్గుచూపుతుండటంతో డిమాండ్ మ‌రింత పెరింది. దీంతో వ్యాపారులు, రైతులు ఒక్కో నిమ్మ‌కాయ రూ.10కు అమ్ముతున్నారు. గత పదేండ్లలో ఇంత ధర ఎన్నడూ లేదని, ఇదే రికార్డు స్థాయి ధర అంటున్నారు.

సూర్యాపేట జిల్లాతోపాటు నల్లగొండ జిల్లాలోని నకిరేకల్‌, నార్కట్‌పల్లి, చిట్యాల, కట్టంగూర్‌, గుర్రంపోడు, పెద్దవూర వంటి ప్రాంతాల నుంచి హైదరాబాద్‌కు నిమ్మకాయలు దిగుమతి అవుతాయి. కానీ మార్చి నెల నుంచే సరఫరా దాదాపు సగానికి తగ్గిపోయిందని వ్యాపారులు పేర్కొంటున్నారు. ఢిల్లీ మారెట్‌, ఈశాన్య ప్రాంతాల్లో డిమాండ్‌ పెరిగి అక్క‌డ ఒక నిమ్మకాయ రూ.5 వరకు ధర పలుకగా, హైదరాబాద్‌ ఇతర రిటైల్‌ మార్కెట్లలో ధర రూ.10 పలుకుతున్నది. ఏప్రిల్‌లోనే ఈ స్థాయి ధరలుంటే, మే నెలలో నిమ్మ ధరలు కిలో రూ.250 దాటవచ్చని మారెట్‌ విశ్లేషకులు అంచనా వేస్తున్నారు.