Kavitha | సింగరేణి లాభాల్లో కార్మికులకు వాటా వెంటనే ప్రకటించాలి: క‌విత‌

Kavitha | త్రినేత్ర న్యూస్‌: సింగరేణి (Singareni) లాభాల్లో కార్మికుల‌కు వాటా వెంట‌నే ప్ర‌క‌టించాల‌ని తెలంగాణ రక్షణ సేన (TRS) అధ్య‌క్షురాలు క‌విత (Kavitha) డిమాండ్ చేశారు. రాష్ట్ర ప్రభుత్వం పరిధిలో ఉన్న మెడికల్ బోర్డు ప్రతి నెలా రెండు సార్లు నిర్వహించాల‌న్నారు. మెడికల్ బోర్డుకు (Medical Board) దరఖాస్తు చేసుకున్న అర్హులైన‌ కార్మికులందరిని అన్‌ఫిట్ చేయాల‌ని, ఆ స్థానంలో వారి వారసులకు డిపెండెంట్ ఉద్యోగాలు క‌ల్పించి న్యాయం చేయాలంటూ ఎక్స్ వేదిక‌గా ప్ర‌భుత్వాన్ని కోరారు.

సింగ‌రేణి కార్మికుల‌కు దద‌క్కిన రూ.1.10 లక్షల దీపావళి బోనస్ (PLRB) కేవలం హెచ్‌ఎంఎస్ (HMS) కార్మిక సంఘం కృషితోనే సాధ్యమైందని స్ప‌ష్టం చేశారు. ఇందులో ప్రస్తుత సింగరేణి గుర్తింపు సంఘంతో స‌హా మరే ఇతర సంఘాల ప్రమేయం అస‌లే లేదన్న వాస్తవాన్ని ప్రముఖ దినపత్రిక గుర్తించాలని హితవు పలికారు. కార్మికుల హక్కుల సాధనలో హెచ్‌ఎంఎస్ చేసిన పాత్రను విస్మరిస్తూ సోమ‌వారం (అక్టోబ‌ర్ 5) వారు ప్రచురించిన కథనాన్ని తక్షణమే సరిదిద్దుకోవాలని సూచించారు. బొగ్గు గని కార్మికుల కష్టార్జితాన్ని ఇతరుల ఖాతాలో వేసే ప్రయత్నాలను తిప్పికొట్టాలని ఆమె పిలుపునిచ్చారు.