Sri Chaitanya Guruji | జూబ్లీహిల్స్‌లో ఆధ్యాత్మికత పేరుతో మహిళకు వేధింపులు..

Sri Chaitanya Guruji | త్రినేత్ర న్యూస్ : జూబ్లీహిల్స్‌( Jubilee Hills )లో ఆధ్మాత్మిక‌త పేరుతో ఓ మ‌హిళ‌ను వేధింపుల‌కు గురి చేశాడు ఓ గురూజీ. జూబ్లీహిల్స్ రోడ్ నం.71లోని శ్రీవిద్యా సాధనా సెంటర్ నిర్వాహకుడు శ్రీ చైతన్య గురూజీ( Sri Chaitanya Guruji ) అలియాస్ మేరెడ్డి సునీల్‌రెడ్డిపై కేసు నమోదు అయింది. సాఫ్ట్‌వేర్ ఇంజినీర్ భార్యకు సాధనల పేరుతో అసభ్య సందేశాలు, వ్యక్తిగత చాటింగ్‌లు చేశారని ఫిర్యాదు చేశారు. గురూజీని నిలదీసిన భర్త విష్ణుదీప్‌రెడ్డికి హత్య బెదిరింపులు వ‌చ్చాయి. చాటింగ్ ఆధారాలు, బెదిరింపుల వివరాలతో కోర్టును బాధితుడు ఆశ్ర‌యించాడు. కోర్టు ఆదేశాలతో BNS 351(2) సెక్షన్ కింద జూబ్లీహిల్స్ పోలీసులు కేసు నమోదు చేశారు.