త్రినేత్ర News Logo
DIGITAL-NEWS

Siddipeta | కోడిని ఢీకొట్టిన కారు.. కేసు పెట్టిన య‌జ‌మాని

Siddipeta | తాను పెంచుకుంటున్న పిల్ల‌ల కోడిని కారుతో ఢీకొట్టి చంప‌డ‌మే కాకుండా.. త‌న‌ను అస‌భ్య ప‌ద‌జాలంతో దూషించిన వ్య‌క్తిపై చ‌ట్ట‌ప‌ర‌మైన చ‌ర్య‌లు తీసుకోవాల‌ని పోలీసుల‌కు ఫిర్యాదు చేశాడు.

S

Telangana | Published On Nov 17, 2026, 1.43 pm IST

Siddipeta | కోడిని ఢీకొట్టిన కారు.. కేసు పెట్టిన య‌జ‌మాని
Advertisement

Siddipeta | త్రినేత్ర న్యూస్ : తాను పెంచుకుంటున్న పిల్ల‌ల కోడిని కారుతో ఢీకొట్టి చంప‌డ‌మే కాకుండా.. త‌న‌ను అస‌భ్య ప‌ద‌జాలంతో దూషించిన వ్య‌క్తిపై చ‌ట్ట‌ప‌ర‌మైన చ‌ర్య‌లు తీసుకోవాల‌ని పోలీసుల‌కు ఫిర్యాదు చేశాడు. ఈ ఘ‌ట‌న సిద్దిపేట జిల్లా చేర్యాల పోలీసు స్టేష‌న్ ప‌రిధిలో వెలుగు చూసింది.

చేర్యాల పోలీసు స్టేష‌న్ ప‌రిధిలోని ఆకునూరు గ్రామానికి చెందిన ప‌డాల రాములు(63) వృత్తి రీత్యా వ్య‌వ‌సాయ‌దారుడు. అయితే ఇంటి వ‌ద్దనే ఓ కోడిని పెంచుకుంటున్నాడు. సోమ‌వారం మ‌ధ్యాహ్నం ఒంటి గంట స‌మ‌యంలో వేగంగా దూసుకువ‌చ్చిన ఓ కారు(టీఎస్ 36 క్యూ 0807 ) కోడిని ఢీకొట్టింది. కారు డ్రైవ‌ర్ మ‌ల్లోజు ర‌వికుమార్ నిర్ల‌క్ష్యంగా డ్రైవ్ చేస్తూ కోడిని ఢీకొట్టాడు. మ‌న‌షుల‌ను కూడా ఇదే రీతిలో ఢీకొట్టి చంపుతావా..? అని రాములు ప్ర‌శ్నించ‌గా.. అస‌భ్య ప‌ద‌జాలంతో దూషించాడు. కోడి చ‌నిపోయినందు కాదు.. త‌న‌ను అస‌భ్య ప‌ద‌జాలంతో దూషించిన స‌ద‌రు వ్య‌క్తిపై చ‌ట్ట‌ప‌ర‌మైన చ‌ర్య‌లు తీసుకోవాల‌ని రాములు పోలీసుల‌కు ఫిర్యాదు చేశాడు.

Advertisement
Advertisement