IMD Alert | తెలుగు రాష్ట్రాలకు ఐఎండీ అలర్ట్‌.. మ‌రో మూడు రోజులు ఎండ‌లు, వ‌డ‌గాల్పులు

IMD Alert | త్రినేత్ర‌.న్యూస్‌: వేస‌వి దృష్ట్యా తెలుగు రాష్ట్రాల్లో నెల‌కొన్న భిన్న వాతావ‌ర‌ణ ప‌రిస్థితుల‌పై భార‌త వాతావ‌ర‌ణ శాఖ బిగ్ అల‌ర్ట్ జారీ చేసింది. రాగల‌ మూడు రోజులు తేలికపాటి నుంచి ఓ మోస్తరు వర్షాలు (Rain) కురిసే అవకాశం ఉందని తెలిపింది. వడగాలుల‌ (Heat waves) ముప్పు కూడా పొంచి ఉందని హెచ్చరించింది. అటు ఎండ‌లు (Hot weather), ఇటు వ‌ర్షాల‌తో తెలుగు ప్ర‌జ‌లు ఉక్కిరి బిక్కిరి అవుతున్నారు. మ‌రోవైపు అకాల వర్షాలతో రైతుల‌కు తీవ్ర పంట నష్టం వాటిల్లుతోంది. ఈ నేప‌థ్యంలో ఐఎండీ అప్ర‌మ‌త్తం చేసింది.

తెలంగాణ, ఆంధ్రప్రదేశ్ లోని పలు ప్రాంతాల్లో వచ్చే మూడు రోజులు తేలికపాటి నుంచి ఓ మోస్తరు వర్షాలు కురిసే అవకాశం ఉందని తెలిపింది. బలమైన ఈదురు గాలులు సహా పిడుగులతో కూడిన జల్లులు కురుస్తాయని పేర్కొంది. వడగాలుల‌ ముప్పు కూడా పొంచి ఉందని హెచ్చరించింది. ప్రజలు అప్రమత్తంగా ఉండాలని వాతావరణ శాఖ అధికారులు హెచ్చరిక‌లు జారీ చేశారు.

తెలంగాణలో శుక్ర‌, శ‌ని వారాల్లో కొన్ని జిల్లాల్లో తేలికపాటి నుంచి మోస్తారు వర్షాలు కురిసే అవకాశం ఉంది. వేడి, తేమ సహా అసౌకర్యమైన వాతావరణ పరిస్థితులు ఏర్పడొచ్చ‌ని వాతావరణ శాఖ పేర్కొంది. మ‌రో 72 గంట‌ల పాటు గరిష్ఠ ఉష్ణోగ్రతలు, వర్షాలతో భిన్న వాతావ‌ర‌ణ ప‌రిస్థితులు ఏర్ప‌డ‌తాయ‌ని తెలిపింది. ఇదిలా ఉండ‌గా తెలంగాణ, ఏపీలో పలు జిల్లాల్లో ఇప్పటికే గరిష్టంగా 45 డిగ్రీల‌ ఉష్ణోగ్రతలు న‌మోద‌వుతున్నాయి.