IAS Officers | మంత్రికి, మ‌హిళా ఐఏఎస్ మ‌ధ్య ప్రేమాయ‌ణం.. ఆ చాన‌ల్ యాజ‌మాన్యం క్ష‌మాప‌ణ‌లు చెప్పాల‌న్న అధికారుల సంఘం..

త్రినేత్ర‌.న్యూస్‌: ఓ మంత్రికి, మ‌హిళా ఐఏఎస్ అధికారికి మధ్య ప్రేమాయ‌ణం అంటూ క‌థ‌నం ప్ర‌చురించిన ప్ర‌ముఖ టీవీ చాన‌ల్‌ ఎన్‌టీవీపై ఐఏఎస్ అధికారుల సంఘం (IAS Officers) ఆగ్ర‌హం వ్య‌క్తం చేసింది. చాన‌ల్ యాజ‌మాన్యం వెంట‌నే క్ష‌మాప‌ణ చెప్పాలంటూ డిమాండ్ చేసింది. ఈ మేర‌కు ఐఏఎస్ అధికారుల సంఘం అధ్య‌క్ష, కార్య‌ద‌ర్శులు కే. రామ‌కృష్ణారావు, జ‌యేశ్ రంజ‌న్ ఓ లేఖ విడుద‌ల చేశారు. వారిద్ద‌రి మ‌ధ్య ఉన్న సాన్నిహిత్యంతోనే ఆ మహిళా అధికారికి, మంత్రి ప్రత్యేక పోస్టింగులు ఇప్పించాడని చేస్తున్న ప్రచారం అవాస్తవమని అందులో పేర్కొన్నారు.

ఆ కథనం వల్ల సదరు ఐఏఎస్ అధికారి పరువు, ప్రతిష్టలకు భంగం కలిగించడం సరికాదని మండిప‌డ్డారు. ఇలాంటి నైతికత లేని జర్నలిజం సివిల్ సర్వీస్ అధికారులకు, సమాజానికి చెడ్డ పేరు తెస్తుందని ఆగ్రహం వ్య‌క్తంచేశారు. వెంటనే ప్రచురించిన కథనాన్ని తొలగించి, ఎన్‌టీవీ నరేంద్ర చౌదరి బహిరంగ క్షమాపణలు చెప్పాలని డిమాండ్ చేశారు.