Register Marriage | ఆమె ఐపీఎస్‌.. అత‌డు ఐఏఎస్.. స‌బ్‌రిజిస్ట్రార్ ఆఫీస్‌లో ఆదర్శ వివాహం

త్రినేత్ర‌.న్యూస్‌: వాళ్లిద్ద‌రు ఉన్న‌తాధికారులు. ఒక‌రేమో డీసీపీ. మ‌రొక‌రు ట్రైనీ ఐఏఎస్‌ (IAS). ఇద్ద‌రు ఒక‌రినొకరు ఇష్ట‌ప‌డ్డారు. పెండ్లి చేసుకోవాల‌ని నిర్ణ‌యించుకున్నారు. ఉన్న‌త స్థానాల్లో ఉన్న వారిరువురు అనుకుంటే ధూంధాంగా వివాహ వేడుక జ‌రుపుకోవ‌చ్చు. దానికి భిన్నంగా ఎలాంటి హంగూ ఆర్భాటాలు లేకుండా సింపుల్‌గా రిజిస్ట్రేష‌న్ కార్యాల‌యంలో(Register Marriage) దండ‌లు మార్చుకుని చ‌ట్ట‌బంద్ధంగా ఒక్క‌ట‌య్యారు. ప్ర‌స్తుత రోజుల్లో మ‌ధ్య‌త‌ర‌గ‌తి కుటుంబాలు కూడా వివాహ వేడుక కోసం భారీగా డ‌బ్బు ఖ‌ర్చుచేస్తున్నారు. అలాంటిది సివిల్ స‌ర్వీసెస్‌లో ఉన్న ఇద్ద‌రు అధికారులు సాదాసీదాగా ఆద‌ర్శ వివాహం చేసుకోవ‌డంపై సోష‌ల్ మీడియాలో ప్ర‌స్తుతం హాట్ టాపిక్‌గా మారింది. వారి పెండ్లి ఫొటోలు తెగ వైర‌ల్ అవుతున్నాయి.

యాదాద్రి భువ‌న‌గిరి జిల్లా చౌటుప్ప‌ల్ మండ‌లం లింగారెడ్డిగూడెంకు చెందిన యువ ఐపీఎస్ అధికారిని శేషాద్రిని రెడ్డి.. కుత్బుల్లాపూర్ డీసీపీగా ప‌నిచేస్తున్నారు. క‌డ‌ప జిల్లాకు చెందిన శ్రీకాంత్ రెడ్డి ప్ర‌స్తుతం ఐఏఎస్ ట్రైనింగ్‌లో ఉన్నారు. వీరిరువురు చౌటుప్ప‌ల్ స‌బ్ రిజిస్ట్రార్ కార్యాల‌యంలో ఎలాంటి ఆడంబ‌రం లేకుండా రిజిస్ట‌ర్ వివాహం చేసుకున్నారు. పెండ్లికి హాజ‌రైన ప‌లువురు ఉన్న‌తాధికారులు ఆద‌ర్శ జంట‌ను అభినందించారు.

https://x.com/TeluguScribe/status/2014977511139184896?s=20