Shamshabad | విమానం టేకాఫ్ అవుతుండ‌గా.. ఎమర్జెన్సీ డోర్‌ తెరిచేందుకు యత్నించిన ప్ర‌యాణికుడు

Shamshabad | త్రినేత్ర న్యూస్‌: శంషాబాద్ విమానాశ్ర‌యంలో (Shamshabad Airport) ఓ ప్ర‌యాణికుడు వీరంగం సృష్టించాడు. విమానం టేకాఫ్ అవుతుండ‌గా ఓ ప్ర‌యాణికుడు ఎమ‌ర్జెన్సీ డోర్ (Emergency Door) తెరిచేందుకు ప్ర‌య‌త్నించాడు. అప్ర‌మ‌త్త‌మైన సిబ్బంది అత‌డిని అడ్డుకున్నారు.

గురువారం అర్ధ‌రాత్రి దాటాక ఇండిగో (Indigo) ఎయిర్‌లైన్స్‌కు చెందిన విమానం శంషాబాద్ (Shamshabad) నుంచి కడ‌ప‌కు (Kadapa) బ‌య‌ల్దేరింది. విమానాశ్ర‌యం నుంచి నుంచి టేకాఫ్‌ అవుతుండ‌గా ఓ ప్రయాణికుడు ఎమర్జెన్సీ డోర్‌ తెరిచేందుకు ప్రయత్నించాడు. గ‌మ‌నించిన సిబ్బంది అప్రమత్తమై అతడిని పట్టుకున్నారు. అనంతరం ఆర్‌జీఐఏ పోలీసులకు అప్పగించారు. దీంతో ప్రయాణికులు భయాందోళనకు గురయ్యారు. ఘ‌ట‌న‌పై పోలీసులు కేసు న‌మోదుచేసి ద‌ర్యాప్తు చేస్తున్నారు. అత‌డు మ‌ద్యం మ‌త్తులో ఉన్నాడా? లేదా ఇత‌ర కార‌ణాల‌తో ఎమ‌ర్జెన్సీ డోర్ తెరిచేందుకు ప్ర‌యత్నించాడా? అనే కోణాల్లో విచార‌ణ చేస్తున్నారు. ప్ర‌యాణికుడి వివ‌రాలు తెలియాల్సి ఉంది.