Kavitha | నేనూ సీఎం అవుతా: క‌ల్వ‌కుంట్ల క‌విత

• టీఆర్ఎస్ చీఫ్ క‌ల్వ‌కుంట్ల క‌విత ఆస‌క్తిక‌ర వ్యాఖ్య‌లు

Kavitha | త్రినేత్ర‌.న్యూస్‌: నేనూ సీఎం కావాల‌ని అనుకుంటున్నాన‌ని.. ఆ హోదాకు గౌర‌వం ముఖ్య‌మ‌ని టీఆర్ఎస్ చీఫ్ క‌ల్వ‌కుంట్ల క‌విత ఆస‌క్తిక‌ర వ్యాఖ్య‌లు చేశారు. శుక్ర‌వారం నిర్వ‌హించిన‌ ఇంటర్ విద్య JAC జంగ్ సైరన్ కార్యక్రమంలో ఆమె మాట్లాడారు. ఇంటర్మీడియేట్ విద్యను స్కూల్ విద్యలో కలుపేస్తామనడం మెడ మీద తలకాయ ఉన్నోడు చేయడన్నారు. సీఎం రేవంత్ రెడ్డి విద్యా వ్యవస్థను నాశనం చేస్తున్నారని మండిప‌డ్డారు. ఇప్పటి నుంచి తుగ్లక్ చర్యలు అనాల్సిన అవసరం లేదని.. జ‌స్ట్‌ రేవంత్ రెడ్డిలాగా ఉన్నావ్ అంటే చాలని వ్యంగ్యాస్త్రాలు సంధించారు.

ఇంట‌ర్ విద్య‌ను తీసేస్తే చూస్తూ ఊరుకోం. ఇంటర్ విద్యను కాపాడుకోవాలి. తుగ్లక్ కూడా సిగ్గుపడతడు. నిర్ణయం తీసుకునే ముందు స్టేక్ హోల్డర్లను సంప్రదించాలనే ఆలోచన చేయాలి కదా. ఫీజు రీయేంబ‌ర్స్‌మెంట్ చేయడం లేదు. 45% మినిమం మార్కులు వస్తేనే పాస్ అంటే ఎలాగో ఆకునూరి మురళి చెప్పాలి.

39 ఓట్ల శాతంతోనే రేవంత్ ప్ర‌భుత్వం గెలిచింది. ఎన్నికల ఓట్లలో సీఎం రేవంత్ కూడా పాస్ కాలేదు. 10 లక్షల విద్యార్థుల భవిష్యత్తును కాపాడుకుంటాం. ఇంటర్ విద్యను స్కూల్ ఎడ్యుకేషన్‌లో కలిపేస్తే.. కొరివితో తల గోక్కున్నట్లే అని క‌విత హెచ్చ‌రించారు.