HPV Vaccine | గ‌ర్భాశ‌య క్యాన్స‌ర్ టీకాల‌కు మ‌రో 3 నెల‌ల గ‌డువు

HPV Vaccine | త్రినేత్ర‌.న్యూస్ : మ‌హిళ‌ల్లో స‌ర్వ‌సాధార‌ణంగా వ‌చ్చే గ‌ర్భాశ‌య క్యాన్స‌ర్‌ను నివారించేందుకు కేంద్రం చ‌ర్య‌లు చేప‌ట్టిన సంగ‌తి తెలిసిందే. ఈ క్ర‌మంలో హెచ్‌పీవీ టీకాల‌ను కేంద్రం ఉచితంగా అంద‌జేసింది. ఈ కార్య‌క్ర‌మం ప్రారంభ‌మై మూడు నెల‌లు అవుతున్న‌ప్ప‌టికీ.. అనుకున్న ల‌క్ష్యంలో స‌గం కూడా పూర్తి కాలేదు. దీంతో గ‌ర్భాశ‌య క్యాన్స‌ర్ టీకాల‌కు మ‌రో 3 నెల‌ల గ‌డువు పొడిగిస్తూ.. కేంద్రం రాష్ట్రాల‌కు స‌మాచారం అందించింది.

అయితే ఈ టీకాను 14 నుంచి 15 ఏళ్ల మ‌ధ్య ఉన్న అమ్మాయిల‌కు ఇవ్వాల‌ని కేంద్రం ప్ర‌తిపాదించింది. రాష్ట్రంలో ఈ వ‌య‌సు మ‌ధ్య 3,51,343 మంది ఉండ‌గా, అందుకు త‌గ్గ‌ట్టు వ్యాక్సిన్ పూర్తి చేయాల‌ని ల‌క్ష్యం నిర్దేశించుకున్నారు. కానీ ఇప్ప‌టి వ‌ర‌కు కేవ‌లం 77,272 మంది మాత్ర‌మే ఈ టీకా తీసుకున్నారు.

తాజాగా మ‌రో నెల‌ల గ‌డువు పొడిగించ‌డంతో ఆగస్టు నెలాఖరు వరకు ఈ కార్య‌క్ర‌మం కొనసాగనుంది. ఇప్పటి వరకు 14-15 ఏళ్ల లోపు బాలికలకు టీకాలను ఉచితంగా వేస్తున్నారు. వచ్చే మూడు నెలల్లో.. 15 సంవత్సరాల 90 రోజులు పూర్తయినా వేస్తారు. టీకాలను ప్రభుత్వ జనరల్‌ ఆసుపత్రులు(బోధనాసుపత్రులు), జిల్లా, ఏరియా ఆసుపత్రులు, సామాజిక ఆరోగ్య కేంద్రాలు, 24 గంటల ప్రాథమిక ఆరోగ్య కేంద్రాల్లో ఇస్తున్నారు.