Realtor Ram Reddy | ఫామ్ హౌజ్‌లో ఉరేసుకున్న ప్ర‌ముఖ రియ‌ల్ట‌ర్ రామ్ రెడ్డి

Realtor Ram Reddy | ప్రముఖ రియల్టర్ హోమ్ ల్యాండ్ అధినేత బాణాల రామ్ రెడ్డి ఆత్మ‌హ‌త్య చేసుకున్నాడు. రంగారెడ్డి జిల్లా కందుకూరు మండ‌లం నేదునూరులోని త‌న ఫామ్ హౌజ్‌లో రామ్ రెడ్డి ఉరేసుకున్నాడు. స‌మాచారం అందుకున్న పోలీసులు ఘ‌ట‌నాస్థ‌లానికి చేరుకుని రామ్ రెడ్డి డెడ్‌బాడీని స్వాధీనం చేసుకున్నారు. ఘ‌ట‌నాస్థలిలో సూసైడ్ నోట్ ల‌భించిన‌ట్లు స‌మాచారం. దీని ఆధారంగా పోలీసులు ద‌ర్యాప్తు చేస్తున్న‌ట్లు తెలుస్తోంది.

రామ్‌రెడ్డి కొంతకాలంగా హైదరాబాద్‌లోని మణికొండలో నివాసముంటూ రియల్ ఎస్టేట్ వ్యాపారం చేస్తున్నారు. 2018లో పటాన్‌చెరువు ప్రాంతంలో సుమారు 250 ఎకరాల భూమిని డెవలప్‌మెంట్ కోసం తీసుకుని వెంచర్ చేపట్టినట్లు సమాచారం. అయితే ఆ భూమికి సంబంధించిన వివాదాలు, లిటిగేషన్ల కారణంగా వెంచర్ అభివృద్ధి ఆలస్యమైనట్లు తెలుస్తోంది.