Fire Accident | కూక‌ట్‌ప‌ల్లిలో భారీ అగ్నిప్ర‌మాదం

Fire Accident | త్రినేత్ర‌.న్యూస్ : కూక‌ట్‌ప‌ల్లి ప‌రిధిలోని ప్ర‌శాంత్ న‌గ‌ర్ మంగ‌ళ‌వారం రాత్రి భారీ అగ్నిప్ర‌మాదం సంభ‌వించింది. స్థానికంగా ఉన్న ఓ ప్రిటింగ్ ప్రెస్‌లో ఆక‌స్మాత్తుగా మంట‌లు చెల‌రేగాయి. స‌మాచారం అందుకున్న అగ్నిమాప‌క సిబ్బంది ఘ‌ట‌నాస్థ‌లానికి చేరుకుని మంట‌ల‌ను ఆర్పేసింది. పెద్ద ఎత్తున మంటలు ఎగిసిప‌డ‌డంతో స్థానికులు తీవ్ర భ‌యాందోళ‌న‌కు గుర‌య్యారు. పొగ‌లు కూడా అలుముకోవ‌డంతో ఉక్కిరిబిక్కిరి అయ్యారు. విద్యుత్ షాక్ కార‌ణంగా మంట‌లు చెల‌రేగిన‌ట్లు పోలీసుల ప్రాథ‌మిక విచార‌ణ‌లో తేలింది. ఈ అగ్నిప్ర‌మాదానికి సంబంధించి మ‌రిన్ని వివ‌రాలు తెలియాల్సి ఉంది.