Heat Wave | భ‌గ్గుమ‌న్న భానుడు.. 19 జిల్లాల్లో 46 డిగ్రీల‌కు పైగా ఉష్ణోగ్ర‌త‌లు..!

Heat Wave | త్రినేత్ర‌.న్యూస్ : తెలంగాణ రాష్ట్ర వ్యాప్తంగా భానుడు భ‌గ్గుమంటున్నాడు. పొద్దున 9 గంట‌ల నుంచే ఎండ‌లు మండిపోతున్నాయి. సాయంత్రం 5 అయినా కూడా వేడి చ‌ల్లార‌డం లేదు.. వేడి గాలుల తీవ్ర‌త కొన‌సాగుతూనే ఉంది. బుధ‌వారం తెలంగాణ‌లో 19 జిల్లాల్లో 46 డిగ్రీల‌కు పైగా ఉష్ణోగ్ర‌త‌లు న‌మోదు అయ్యాయి. నిర్మ‌ల్ జిల్లాలో అత్య‌ధికంగా 46.5 డిగ్రీల‌కు పైగా ఉష్ణోగ్ర‌త‌లు న‌మోదు కాగా, హ‌నుమ‌కొండ‌, క‌రీంన‌గ‌ర్‌, పెద్ద‌ప‌ల్లి జిల్లాల్లో 46.4 డిగ్రీల చొప్పున‌, జ‌గిత్యాల‌, జ‌న‌గామ‌, ఖ‌మ్మం, ఆసిఫాబాద్, మంచిర్యాల‌, నిజామాబాద్ జిల్లాల్లో 46.3 డిగ్రీల చొప్పున‌, ఆదిలాబాద్, కొత్త‌గూడెం, మ‌హ‌బూబాబాద్, సిద్దిపేట‌, సూర్యాపేట జిల్లాల్లో 46.2 డిగ్రీల చొప్పున ఉష్ణోగ్ర‌త‌లు నమోదు అయ్యాయి. రానున్న నాలుగు రోజుల్లో ఎండల తీవ్రత మరింత పెరగనుందని వాతావ‌ర‌ణ శాఖ అధికారులు వెల్ల‌డించారు.