Heat Wave | రాగ‌ల ఐదు రోజుల్లో దంచికొట్ట‌నున్న ఎండ‌లు.. జ‌ర జాగ్ర‌త్త..!

Heat Wave | త్రినేత్ర‌.న్యూస్ : తెలంగాణ వ్యాప్తంగా ఎండ‌లు దంచికొడుతున్న విష‌యం తెలిసిందే. 40 డిగ్రీల‌కు పైనే ప‌గ‌టి ఉష్ణోగ్ర‌త‌లు న‌మోద‌వుతూ ప్ర‌జ‌ల‌ను ఉక్కిరిబిక్కిరి చేస్తున్నాయి. రాబోయే ఐదు రోజులు కూడా ఇదే ప‌రిస్థితి కొన‌సాగే అవ‌కాశం ఉంద‌ని, ప్ర‌జ‌లు అప్ర‌మ‌త్తంగా ఉండాల‌ని వాతావ‌ర‌ణ శాఖ అధికారులు హెచ్చ‌రించారు. ఎండ తీవ్ర‌త మ‌రింత పెరిగే అవ‌కాశం ఉంద‌ని తెలిపారు.

నిన్న నిజామాబాద్​ జిల్లాలో 42.6 డిగ్రీలు, ఆదిలాబాద్​లో 41.5 డిగ్రీలు నమోదు అయ్యాయని హైదరాబాద్ వాతావరణ కేంద్రం అధికారి వెల్లడించారు. తెలంగాణ రాష్ట్రంలోని మిగిలిన అన్ని ప్రాంతాల్లో 36 నుంటి 40 వరకు ఉష్ణోగ్రత రికార్డు అయ్యాయని, మంగ‌ళ‌వారం నుంచి ఉష్ణోగ్రతలు పెరిగాయని తెలిపారు. అన్ని ప్రాంతాల్లో 1 నుంచి 1.5 డిగ్రీలు పెరిగే అవకాశం ఉందని పేర్కొన్నారు.