Governor | జైళ్ల‌లో సంస్క‌ర‌ణ‌లు భేష్‌.. ‘ఫీల్ ది జైల్’ ప్రారంభోత్స‌వంలో గవర్నర్ శుక్లా

Governor | త్రినేత్ర‌.న్యూస్‌: జైళ్లల్లో తెలంగాణ పోలీసులు చేపట్టిన సంస్కరణలు చాలా బాగున్నాయని గవర్నర్ శివప్రతాప్‌ శుక్లా ప్రశంసించారు. ఓపెన్‌ జైలు విధానం కూడా మంచి ఫలితాలు ఇస్తుందని గవర్నర్ చెప్పారు. మంగ‌ళ‌వారం హైదరాబాద్‌ చంచల్‌గూడ జైలులో మ్యూజియం, ఫీల్‌ ది జైల్ కార్య‌క్ర‌మాన్ని ఆయ‌న ప్రారంభించి మాట్లాడారు.

ఉత్తరప్రదేశ్‌ మంత్రిగా ఉన్నప్పుడు తాను కూడా జైళ్ల‌లో కొన్ని సంస్కరణలు చేపట్టానని గుర్తు చేశారు. జైలుకు వచ్చిన ఖైదీల్లో పరివర్తన తీసుకొచ్చేందుకు అధికారులు కృషి చేయాల‌ని సూచించారు. ఖైదీలను పూర్తిగా బంధించి ఉంచొద్ద‌ని, ఆహ్లాదకర వాతావరణం ఉన్నప్పుడే వారిలో మార్పు తీసుకురాగలమని అభిప్రాయ‌ప‌డ్డారు.

ఈ కార్యక్రమంలో జైళ్ల శాఖ డీజీ సౌమ్యా మిశ్రా, పోలీసు ఉన్నతాధికారులు పాల్గొన్నారు.