Guvvala Balaraj | మాజీ ఎమ్మెల్యే గువ్వ‌ల బాల‌రాజు అరెస్టు.. పీఎస్‌కు త‌ర‌లింపు

Guvvala Balaraj | త్రినేత్ర‌.న్యూస్‌: అచ్చంపేట మాజీ ఎమ్మెల్యే, బీజేపీ నేత గువ్వ‌ల బాల‌రాజును పోలీసులు అరెస్టు చేశారు. నాగర్ కర్నూల్ జిల్లా వెల్దండ మండలం కోట్ర తండా ప్రధాన కూడలిలో ఆయ‌న్ను శుక్ర‌వారం అదుపులోకి తీసుకున్నారు. ముదిరాజ్‌ల ఆరాధ్య దైవం పండుగ సాయ‌న్న విగ్ర‌హాన్ని తొల‌గించడాన్ని వ్య‌తిరేకిస్తూ స్థానిక నాయ‌కులు లింగాల‌లో నిర‌స‌న తెలిపారు. ఈ నిర‌స‌న‌కు మ‌ద్దతు తెలిపేందుకు వెళ్తుండ‌గా ఆయ‌న్ను పోలీసులు అరెస్టు చేసి ఊర్కొండ పోలీస్ స్టేష‌న్‌కు త‌ర‌లించారు.

ఈ సంద‌ర్భంగా ఆయ‌న మాట్లాడుతూ.. కాంగ్రెస్ ప్ర‌భుత్వంపై ఫైర‌య్యారు. ముదిరాజ్‌ల మ‌నోభావాల‌ను దెబ్బ‌తీస్తున్న రేవంత్ స‌ర్కార్‌ను గ‌ద్దె దించుతామ‌ని హెచ్చ‌రించారు. ప్ర‌జ‌లు త్వ‌ర‌లోనే ఆ పార్టీకి త‌గిన గుణ‌పాఠం చెబుతార‌న్నారు. కాంగ్రెస్‌కు రోజులు ద‌గ్గ‌ర‌ప‌డ్డాయ‌ని వ్యాఖ్యానించారు.