Harish Rao Arrest | హనుమకొండలో మాజీ మంత్రి హరీశ్ రావు అరెస్ట్.. తీవ్ర ఉద్రిక్త‌త

Harish Rao Arrest | త్రినేత్ర‌.న్యూస్‌: పాలిటెక్నిక్ విద్యార్థుల‌కు సంఘీభావంగా వ‌రంగ‌ల్ బ‌య‌లుదేరిన మాజీ మంత్రి హ‌రీశ్‌రావును కోకాపేట‌లోని ఆయ‌న నివాసం వ‌ద్దే పోలీసులు అడ్డుకోగా నిర్బంధాల‌ను ఛేదించుకొని ఎట్ట‌కేల‌కు అనంత‌రం హ‌నుమ‌కొండ‌కు చేరుకున్నారు. అక్క‌డ‌ హనుమకొండ కలెక్టరేట్ వ‌ద్ద నిర్వ‌హిస్తున్న‌ టీఎన్జీవోల ధర్నాలో పాల్గొన‌గా అక్క‌డ సైతం అరెస్ట్ చేశారు. హ‌రీశ్ రాక‌ను తెలుసుకున్న పోలీసులు హనుమకొండ కలెక్టరేట్ వద్ద భారీ భ‌ద్ర‌త ఏర్పాటు చేశారు. హ‌రీశ్ రావును అరెస్టు చేసిన పోలీసుల తీరుపై బీఆర్ఎస్ శ్రేణుల ఆగ్రహం వ్య‌క్తం చేశారు.

అంత‌కుముందు ఉద్యోగుల ఆందోళన కార్యక్రమానికి హాజరై టీఎన్జీవోలకు సంఘీభావం తెలిపారు. ఉద్యోగుల న్యాయమైన డిమాండ్లకు సంపూర్ణ మద్దతు ప్రకటించారు. ప్రభుత్వ ఉద్యోగుల సమస్యలను వెంటనే పరిష్కరించాలని డిమాండ్ చేశారు. ఇదిలా ఉండ‌గా హరీశ్ రావు అరెస్ట్‌ను వరంగల్ జిల్లా బీఆర్ఎస్ నాయకులు తీవ్రంగా ఖండించారు. అక్రమంగా అరెస్ట్ చేసిన హరీశ్ రావును, బీఆర్ఎస్ నేతలను తక్షణమే విడుదల చేయాలని డిమాండ్ చేశారు.