Cab Driver | భార్య‌తో గొడ‌వ‌.. ఆమెతోపాటు ఏడుగురిని హ‌త్య‌చేసిన క్యాబ్ డ్రైవ‌ర్‌

Cab Driver | త్రినేత్ర న్యూస్‌: కర్ణాటకలోని బెంగళూరులో (Bengaluru) దారుణం చోటుచేసుకుంది. భార్య‌తో విభేదాల నేప‌థ్యంలో ఆమెతో స‌హా ఏడుగురిని హ‌త్య‌చేశాడు. ఒకరి తర్వాత ఒకరిని రోక‌లితో కొట్టి దారుణంగా చంపేశాడు. మృతుల్లో ఏడేండ్ల బాలుడు కూడా ఉన్నాడు.

బెంగళూరుకు చెందిన‌ ఇందు శేఖర్ (Indushekhar) క్యాబ్ డ్రైవర్‌గా (Cab Driver) పనిచేస్తున్నాడు. అతడికి 20 ఏండ్ల‌ క్రితం సునీతతో వివాహం జరిగింది. అయితే తమ వివాహ బంధంలో భార్య తరఫు బంధువులు జోక్యం చేసుకుంటున్నారని శేఖ‌ర్‌ అసంతృప్తితో ఉన్నాడు. ఇదే విష‌య‌మై దంప‌తుల మ‌ధ్య త‌ర‌చూ గొడవలు జ‌రుగుతున్నాయి. భార్య కుటుంబంపై కోపం పెంచుకున్న అత‌డు.. సునీత‌తోపాటు అత్త రూపావ‌తి, బామ్మ‌ర్ధులు శివ‌కుమార్‌, శంక‌ర్‌, సునీత సోద‌రి దివ్య‌, నిలినీ, శంక‌ర్ ఏండేండ్ల‌ కుమారుడిని రోకలితో కొట్టి చంపాడు. తర్వాత మృతదేహాలను నగరంలోని వేర్వేరు ప్రాంతాల్లో పడేశాడు. అక్టోబర్ 17 నుంచి ఒక్కొక్కరిని ఇంటికి రప్పించి ఈ హత్యలు చేయడం ప్రారంభించాడని అధికారులు ప్రాథమికంగా గుర్తించారు. ఈ ఘ‌ట‌న‌పై కేసు న‌మోదుచేసిన పోలీసులు ద‌ర్యాప్తు చేస్తున్నారు.