KTR | కాంగ్రెస్ బీజేపీ అప‌విత్ర పొత్తు అధికారిక‌మై నేటికి రెండేండ్లు: కేటీఆర్‌

KTR | త్రినేత్ర న్యూస్‌: రాష్ట్రంలో కాంగ్రెస్-బీజేపీ (Congress BJP) మధ్య అపవిత్ర పొత్తు అధికారికమై నేటికి సరిగ్గా రెండేండ్లు పూర్తయిందని బీఆర్ఎస్ వర్కింగ్ ప్రెసిడెంట్ కేటీఆర్ (KTR) విమర్శించారు. 2024, సెప్టెంబ‌ర్ 27న కాంగ్రెస్ మంత్రి పొంగులేటి శ్రీనివాస్ రెడ్డికి (Pongulet Srinivas Reddy) సంబంధించిన మనీలాండరింగ్ కేసులో ఎన్‌ఫోర్స్‌మెంట్ డైరెక్టరేట్ (ED) 16 ప్రాంతాల్లో సోదాలు నిర్వహించింది. ఆ సమయంలో ఆయ‌న‌ నివాసానికి పలు నగదు లెక్కింపు యంత్రాలను (Cash Counting Machines) తరలించినట్లు వ‌చ్చిన వార్తలు అప్ప‌ట్లో ముఖ్యాంశాలుగా నిలిచాయి.

అయితే సోదాలు జరిగిన తర్వాత ఇప్పటివరకు ఈడీగానీ, బీజేపీ నేతృత్వంలోని కేంద్ర ప్రభుత్వంగానీ ఎలాంటి అధికారిక ప్రకటన చేయలేదు. అక్క‌డ‌ సోదాల్లో ఏం స్వాధీనం చేసుకున్నారో కూడా వెల్లడించలేదు. ప్రతిపక్ష నేతలను లక్ష్యంగా చేసుకుని కేంద్ర దర్యాప్తు సంస్థలను ఉప‌యోగించే బీజేపీ ప్ర‌భుత్వం.. కాంగ్రెస్ పార్టీకి చెందిన ఓ మంత్రి (Congress Minister) విషయంలో మాత్రం ఎందుకు నిశ్శ‌బ్దం పాటిస్తున్న‌ది? అని ప్ర‌శ్నించారు. కాంగ్రెస్ మంత్రికి బీజేపీ నుంచి ఇలాంటి మినహాయింపు ఎందుకు లభిస్తున్న‌దని నిల‌దీశారు. కాంగ్రెస్-బీజేపీ మధ్య సంబంధాన్ని ఉద్దేశిస్తూ ‘అజబ్ ప్రేమ్ కీ గజబ్ కహానీ’ అంటూ కాంగ్రెస్ అగ్రనేత రాహుల్ గాంధీని (Rahul Gandhi) ట్యాగ్ చేశారు.

Exactly two years since the Congress-BJP unholy nexus became official in Telangana

The Enforcement Directorate conducted raids at 16 locations linked to Congress minister Pongulet Srinivas Reddy in connection with a money-laundering case on 27th Sept, 2024

Reports of several… pic.twitter.com/Ss2eIguoP6

— KTR (@KTRBRS) September 27, 2026