Dev Ji | లాసెట్ ఫ‌లితాల్లో మెరిసిన మాజీ మావోయిస్టు అగ్ర‌నేత దేవ్‌జీ

Dev Ji | త్రినేత్ర‌.న్యూస్ : తెలంగాణ లాసెట్‌కు సంబంధించి విడుద‌లైన ఫ‌లితాల్లో మాజీ మావోయిస్టు అగ్ర‌నేత దేవ్‌జీ మెరిశారు. లాసెట్‌లో 349వ ర్యాంకు సాధించి అంద‌ర్నీ ఆశ్చ‌ర్య‌ప‌రిచాడు తిప్పిరి తిరుప‌తి అలియాస్ దేవ్ జీ. కొద్ది రోజుల క్రితం తెలంగాణ డీజీపీ ఎదుట దేవ్ జీ లొంగిపోయిన సంగ‌తి తెలిసిందే.

మే 13న ఇంట‌ర్ ప‌రీక్ష రాసిన దేవ్ జీ

ఇక త‌న విద్య‌ను అసంపూర్తిగా వ‌దిలేసిన దేవ్ జీ.. మ‌ళ్లీ పుస్త‌కాల బాట ప‌ట్టిన సంగ‌తి తెలిసిందే. అడ‌విలో గ‌న్‌ను వ‌దిలిన ఆయ‌న క‌లం ప‌ట్టి ఇంట‌ర్ ఎగ్జామ్ రాశాడు. గ‌త నెల 13న ఇంట‌ర్మీడియ‌ట్ ద్వితీయ సంవ‌త్స‌రం తెలుగు ప‌రీక్ష‌కు హాజ‌ర‌య్యాడు. ఇక ఈ ఫ‌లితాలు వెల్ల‌డి కావాల్సి ఉంది. 43 ఏండ్ల విరామం తర్వాత పరీక్ష హాలులో అడుగు పెట్టిన ఆయన మీడియాతో మాట్లాడుతూ.. ఉన్నత విద్యను కొనసాగించేందుకు ఇంటర్‌ పరీక్ష రాసేందుకు వచ్చినట్టు తెలిపారు.