RS Praveen Kumar | ‘మహా’ ఓన‌ర్ వంశీని ప్ర‌శ్నించే ద‌మ్ము లేదా? పోలీసుల‌కు ఆదేశాలు ఎవ‌రిస్తున్న‌రు?

• ఆ చాన‌ల్‌పై కేసు పెట్టి నెల‌లు గ‌డుస్తున్నా క‌నీసం ప్ర‌శ్నించే సాహ‌సం చేస్త‌లేరు
• రాష్ట్ర ముఖ్య‌మంత్రి రేవంత్‌రెడ్డే, చంద్ర‌బాబో అర్థ‌మైత‌లే
• అందుకే భ‌య్యా.. తెలంగాణ ప‌త్రికల‌నే ప్రోత్స‌హించాలే
• ఎక్స్ వేదిక‌గా ఆర్ఎస్ ప్ర‌వీణ్ ట్వీట్‌

త్రినేత్ర‌.న్యూస్‌: తాను ‘మహా’ అశ్లీల చానల్‌పై కేసు పెట్టి రెండున్నర నెలలు అవుతుందని.. దాని ఓనర్ వంశీని కనీసం ప్రశ్నించే దమ్ము కూడా మన పోలీసుల‌కు లేద‌ని విమ‌ర్శించారు. తెలంగాణ ముఖ్యమంత్రి రేవంత్‌రెడ్డే, చంద్ర‌బాబునాయుడో అర్థం కావ‌డం లేద‌న్నారు. పోలీసుల‌కు ఎవ‌రి నుంచి ఆదేశాలు అందుతున్నాయోన‌ని వ్యంగ్యంగా పేర్కొన్నారు. అందుకే తెలంగాణ మూలాలు ఉన్న పత్రికలు, చానల్లను మాత్రమే మనం ప్రోత్సహించాలని విజ్ఞ‌ప్తి చేశారు. ఈమేర‌కు ఆయ‌న ఆదివారం ఎక్స్ వేదిక‌గా స్పందించారు.

మ‌హా ఓన‌ర్‌ వంశీని కనీసం ప్రశ్నించే దమ్ము కూడా పోలీసుల‌కు లేదు. ఏమన్నా అంటే పైనుండి ఆదేశాలు అంటరు. కేటీఆర్‌పై అసత్య, అశ్లీల వార్త రాసినందుకు తెలంగాణ బిడ్డలు నిల‌దీసి అడిగినందుకు, ఆఫీస్ అద్దాలు పగిలాయని చాలా మంది తెలంగాణ విద్యార్థులను జైల్లో వేసి కొట్టిర్రు. ఏమన్నా అంటే పై నుంచి ఆదేశాలు అంటరు.

వంశీని బచాయించుడేంది?

తెలంగాణ హోంమంత్రి పాలమూరు బిడ్డ అయినప్పుడు తెలంగాణ బిడ్డలను జైలుకు పంపుడేంది? ఆంధ్ర మహా అశ్లీల వంశీని బచాయించుడేంది? నేనూ పాలమూరు బిడ్డనే కదా రేవంత్ గారు? ఇంతకూ తెలంగాణ సీఎం రేవంత్ గారా, లేదా చంద్రబాబు గారా? ఎవరి నుండి ఆదేశాలు వస్తున్నాయి తెలంగాణ పోలీసులకు? అని ఆర్ఎస్ ప్ర‌వీణ్ ప్ర‌శ్నించారు.