Volvo Car | సూర్యాపేట‌లో వోల్వో కారులో మంట‌లు.. వైద్యుడు స‌జీవ‌ద‌హ‌నం

Volvo Car | త్రినేత్ర‌.న్యూస్ : సూర్యాపేట - ఖ‌మ్మం 365 జాతీయ ర‌హ‌దారిపై ఘోర ప్ర‌మాదం జ‌రిగింది. సూర్యాపేట స‌మీపంలోని పిల్ల‌ల‌మ‌ర్రి వ‌ద్ద వేగంగా వెళ్తున్న కారు డివైడ‌ర్‌ను ఢీకొట్టింది. దీంతో కారులో మంట‌లు చెల‌రేగాయి. నిమిషాల వ్య‌వ‌ధిలోనే కారు అంతా మంట‌లు వ్యాపించాయి. కారులో ప్ర‌యాణిస్తున్న వ్య‌క్తి స‌జీవ‌ద‌హ‌న‌మ‌య్యాడు.

స‌మాచారం అందుకున్న అగ్నిమాప‌క సిబ్బంది, పోలీసులు ఘ‌ట‌నాస్థ‌లానికి చేరుకున్నారు. మంట‌ల‌ను అదుపు చేశారు. మృతుడిని డాక్ట‌ర్ కాస‌కుర్తి జ‌గ‌దీశ్ బాబుగా పోలీసులు గుర్తించారు. జ‌గ‌దీశ్ బాబు ఖ‌మ్మంలోని మ‌మ‌త మెడిక‌ల్ కాలేజీలో న్యూరో స‌ర్జ‌న్‌గా ప‌ని చేస్తున్నారు. మృతుడి నివాసంలో విషాద‌ఛాయ‌లు అలుముకున్నాయి.