MLA Rajagopal Reddy | కోమ‌టిరెడ్డి వెంక‌ట్ రెడ్డి.. నేను ఒకే కుటుంబ కాదు : ఎమ్మెల్యే రాజ‌గోపాల్ రెడ్డి

MLA Rajagopal Reddy | త్రినేత్ర‌.న్యూస్ : ఎప్పుడూ పొలిటిక‌ల్ కామెంట్స్ చేసే మునుగోడు ఎమ్మెల్యే కోమ‌టిరెడ్డి రాజ‌గోపాల్ రెడ్డి.. ఈసారి ఆస‌క్తిక‌రంగా కుటుంబంపై మాట్లాడారు. మంత్రి కోమ‌టిరెడ్డి వెంక‌ట్ రెడ్డి.. నేను ఒక‌టే కుటుంబం కాద‌ని రాజ‌గోపాల్ రెడ్డి స్ప‌ష్టం చేశారు. మేం సోద‌రులం అయినా మా కుటుంబాలు వేరు అని ఆయ‌న పేర్కొన్నారు. నాకు ప‌ద‌వులు అడుక్కోవ‌డం తెలియ‌దు.. కొట్లాడ‌డ‌మే నాకు తెలుసు అని ఆయ‌న తేల్చిచెప్పారు. మంత్రి ప‌ద‌వి విష‌యంలో వెంక‌ట్‌రెడ్డితో నాకేం సంబంధం అన్నారు. అధిష్టానం హామీ ఇచ్చిన వారికి మంత్రి ప‌ద‌వులు వ‌చ్చాయి.. నాకు మాత్ర‌మే మంత్రి ప‌ద‌వి ఇవ్వ‌లేదు అని కోమ‌టిరెడ్డి రాజ‌గోపాల్ రెడ్డి తెలిపారు. నేను రాజీనామా చేసి ఉప ఎన్నికకు వెళ్తే.. నా నియోజకవర్గానికి 100 మంది ఎమ్మెల్యేలు వచ్చారని ఆయ‌న గుర్తు చేశారు.