Chanagani Dayakar | యువ సంగ్రామ స‌దస్సు కాదు.. నిరుద్యోగులకు బీఆర్ఎస్ చేసిన‌ విద్రోహ స‌భ‌: చ‌న‌గాని ద‌యాక‌ర్‌

Chanagani Dayakar | త్రినేత్ర‌.న్యూస్‌: నిరుద్యోగుల గురించి మాట్లాడే నైతిక అర్హ‌త బీఆర్ఎస్ వ‌ర్కింగ్ ప్రెసిడెంట్ కేటీఆర్‌కు (KTR) లేద‌ని టీపీపీ ప్ర‌ధాన కార్య‌ద‌ర్శి చ‌న‌గాని ద‌యార్ (Chanagani Dayakar) విమ‌ర్శించారు. ఆయ‌న వెంట‌నే తెలంగాణ (Telangana) యువ‌త‌కు క్ష‌మాప‌ణ చెప్పాల‌ని డిమాండ్ చేశారు. స‌రూర్‌న‌గ‌ర్‌లో బీఆర్ఎస్ (BRS) త‌ల‌పెట్టిన స‌భ‌.. యువ సంగ్రామ స‌దస్సు (Yuva Sangram Sabha) కాద‌ని, అది నిరుద్యోగుల‌కు బీఆర్ఎస్ పార్టీ చేసిన విద్రోహ సభ అని మండిప‌డ్డారు. హైద‌రాబాద్ గాంధీ భ‌వ‌న్‌లో పార్టీ నాయ‌కుల‌తో క‌లిసి ఆయ‌న మీడియాతో మాట్లాడారు. బీఆర్ఎస్ ప‌దేండ్ల పాల‌న‌లో గ్రూప్ 1 నిర్వ‌హించ‌లేని అస‌మ‌ర్థుల‌ని దుయ్య‌బ‌ట్టారు. ప్రవళిక, సునీల్ నాయక్, మురళి ముదిరాజ్‌ ఆత్మహత్యలకు కారకులు కదా? అని ప్ర‌శ్నించారు.

పోటీ పరీక్షల్లో లీకేజీలు, ఇంటర్‌ లీకేజీలు, పదవ తరగతి పరీక్షలో లీకేజీలకు పాల్పడిన ద్రోహులు యువత గురించి ఆలోచన చేయ‌డ‌మా అని మండిప‌డ్డారు. పదేండ్ల‌లో సాధ్యంకాని గ్రూప్-1, గ్రూప్-2, డీఎస్సీ, ఎస్ఐ కానిస్టేబుల్, గ్రూప్-3, గ్రూప్-4, ఏఈఈ, నర్సింగ్, హెల్త్ ఉద్యోగాల భ‌ర్తీని సీఎం రేవంత్ (Revanth Reddy) పాలన‌లో చేసి చూపించార‌ని తెలిపారు. ఉద్యోగాలు భర్తీ చేసిన ఘనత త‌మ ప్ర‌భుత్వానిద‌ని చెప్పారు. పదేండ్ల పాల‌న అవినీతి, అక్రమ ఆస్తుల కోసం తప్ప.. తెలంగాణ యువత కోసం, ఉద్యోగాల భర్తీ కోసం ఏనాడు ఆలోచన చేయలేదని విమ‌ర్శించారు. సీఎం రేవంత్ రెడ్డి పాలన‌లో తెలంగాణ యువత‌కు ప్రైవేట్, ఫార్మా, ఇండస్ట్రీయ‌ల్, సాంకేతిక రంగాల్లో, ప్రభుత్వ రంగాల్లో ఉద్యోగాల కల్పనకు ప్రభుత్వం కృషి చేస్తున్న‌ద‌ని వెల్ల‌డించారు. కేటీఆర్ గారడీ మాటలను తెలంగాణ యువత నమ్మదని స్ప‌ష్టం చేశారు.

హైకోర్టుకు వెళ్లే ఆలోచనలో బీఆర్​ఎస్​

మ‌రోవైపు శ‌నివారం సరూర్‌నగర్‌లో (Saroornagar) బీఆర్‌ఎస్‌ నిర్వ‌హించ త‌ల‌పెట్టిన‌ యువ సంగ్రామ సదస్సుకు పోలీసులు ఇప్ప‌టివ‌ర‌కు అనుమ‌తించ‌లేదు. ఈ నేప‌థ్యంలో హైకోర్టులో లంచ్‌మోషన్ పిటిషన్ దాఖలు చేసేందుకు పార్టీ సిద్ధమ‌వుతున్న‌ది.