Cabinet meeting | అక్టోబ‌ర్ 1న కేబినెట్‌ సమావేశం

• అజెండాలో నీటిపారుద‌ల‌, రెవెన్యూ, ఆర్థిక శాఖ‌ల అంశాలు
• ఉద్యోగుల రెండు డీఏల‌కు ఆమోదం తెలిపే ఛాన్స్‌

Cabinet meeting | త్రినేత్ర న్యూస్: ముఖ్యమంత్రి రేవంత్‌ రెడ్డి అధ్యక్షతన అక్టోబర్‌ 1న రాష్ట్ర మంత్రివర్గం అత్యవసరంగా భేటీ కానుంది. ఈ సమావేశంలో రాష్ట్రానికి సంబంధించిన పలు కీలకమైన, వ్యూహాత్మక అంశాలపై సుదీర్ఘంగా చర్చించి, నిర్ణయాలు తీసుకోనున్నారు. కేబినెట్‌ అజెండాలో నీటిపారుదల, రెవెన్యూ, ఆర్థిక శాఖలకు సంబంధించిన అంశాలు ఉండనున్నాయి.

ఉద్యోగుల జేఏసీ నాయకత్వానికి ఇటీవల హామీ ఇచ్చిన రెండు డీఏలను కూడా కేబినెట్‌ చర్చించి ఆమోదించనుంది. హైదరాబాద్ మెట్రో రైలు ప్రాజెక్టును ప్రభుత్వం తన ఆధీనంలోకి తీసుకునే అంశం ప్రధాన అజెండాగా ఉండనుంది. దీనిపై కేబినెట్ కీలక నిర్ణయం తీసుకునే అవకాశం ఉంది.