BRS | మే 6న వ‌రంగ‌ల్‌లో బీఆర్ఎస్ భారీ బ‌హిరంగస‌భ‌

BRS | త్రినేత్ర‌.న్యూస్‌: బీఆర్ఎస్ (BRS) పార్టీ మ‌రో భారీ బ‌హిరంగ స‌భ‌ను నిర్వ‌హించేందుకు రంగం సిద్ధం చేస్తున్న‌ది. మే 6న వ‌రంగ‌ల్‌లో (Warangal) పెద్దఎత్తున స‌భ‌ను నిర్వ‌హించ‌నున్న‌ది. అసెంబ్లీ ఎన్నిక‌ల సంద‌ర్భంగా కాంగ్రెస్ పార్టీ రైతు డిక్లరేషన్ ప్రకటించిన చోట సభ నిర్వహణకు స‌న్నాహాలు ప్రారంభించింది. దీనికోసం ఇప్ప‌టికే స‌న్నాహాలు ప్రారంభించిన‌ట్లు తెలుస్తున్న‌ది. కాంగ్రెస్ సీనియ‌ర్ నేత, మాజీ మంత్రి జీవ‌న్ రెడ్డి ఆ పార్టీకి రాజీనామా చేసి.. కేసీఆర్ స‌మ‌క్షంలో బీఆర్ఎస్‌లో చేరుతున్న విష‌యం తెలిసిందే. ఈ నేప‌థ్యంలో ల‌క్ష మందితో జ‌గిత్యాల‌లో భారీ బ‌హిరంగ స‌భ‌ను పార్టీ నిర్వ‌హిస్తున్న‌ది. దీనికోసం ఇప్ప‌టికే ఏర్పాట్లు పూర్తిచేసింది. ఇప్ప‌టికే జ‌గిత్యాల మొత్తం గులాబీ మ‌య‌మైంది.

చాలా రోజుల త‌ర్వాత తెలంగాణ తొలి ముఖ్య‌మంత్రి, బీఆర్ఎస్ అధినేత కేసీఆర్ బ‌హిరంగ స‌భ‌లో ప్ర‌సంగించ నుండ‌టంతో పార్టీ కార్య‌క‌ర్త‌లు, అభిమానుల్లో ఫుల్ జోష్ నెల‌కొన్న‌ది. దీనిని ఇలాగే కొన‌సాగించాల‌ని పార్టీ అధినాయ‌క‌త్వం నిర్ణ‌యించింది. ఈ నేప‌థ్యంలో వ‌చ్చే నెల 6న వ‌రంగ‌ల్‌లో భారీ బ‌హిరంగ స‌భను నిర్వ‌హించాల‌ని నిర్ణ‌యించింది. దీనికి పెద్ద సంఖ్య‌లో జ‌న స‌మీక‌ర‌ణ చేసి రాష్ట్రంలో త‌మ‌కు తిరుగులేద‌ని నిరూపించ‌నుంది.