Legislative Council | బీఆర్ఎస్ ఎమ్మెల్సీలు తాతా మ‌ధు, న‌వీన్ కుమార్ రెడ్డిపై స‌స్పెన్ష‌న్ వేటు

Legislative Council | త్రినేత్ర‌.న్యూస్ : శాస‌న‌స‌భ స్పీక‌ర్ గ‌డ్డం ప్ర‌సాద్ కుమార్‌పై అనుచిత వ్యాఖ్య‌లు చేసిన నేప‌థ్యంలో బీఆర్ఎస్ ఎమ్మెల్సీలు తాతా మ‌ధు, న‌వీన్ కుమార్ రెడ్డిల‌పై శాస‌న‌మండ‌లి చైర్మ‌న్ గుత్తా సుఖేంద‌ర్ రెడ్డి స‌స్పెన్ష‌న్ వేటు వేశారు. వీరిద్ద‌రి సస్పెండ్ చేయాల‌ని శాస‌న‌స‌భా వ్య‌వ‌హారాల మంత్రి శ్రీధ‌ర్ బాబు మండ‌లిలో తీర్మానం ప్ర‌వేశ‌పెట్టారు. అనంత‌రం మూజువాణి ప‌ద్ధ‌తిలో ఓటింగ్ ప్ర‌క్రియ నిర్వ‌హించారు. అనంత‌రం ఈ సెష‌న్ మొత్తానికి తాతా మ‌ధు, న‌వీన్ కుమార్ రెడ్డిల‌ను స‌స్పెండ్ చేస్తున్న‌ట్లు మండ‌లి చైర్మ‌న్ ప్ర‌క‌టించారు. అనంత‌రం మండ‌లిని రేప‌టికి వాయిదా వేశారు.