Legislative Council | మండలి నుంచి బీఆర్‌ఎస్‌ ఎమ్మెల్సీల స‌స్పెన్ష‌న్‌..

Legislative Council | త్రినేత్ర‌.న్యూస్‌: శాస‌న మండ‌లి (Legislative Council) స‌మావేశాలు కొన‌సాగుతున్నాయి. స‌భ ప్రారంభం కాగానే బీఆర్ఎస్ ఎమ్మెల్సీలు (BRS MLCs) నిర‌స‌న‌కు దిగారు. రాఘవ కన్‌స్ట్రక్షన్‌పై హౌస్‌ కమిటీ వేయాలని డిమాండ్ చేశారు. మంత్రి అడ్లూరి లక్ష్మణ్‌ ప్రసంగిస్తుండగా బీఆర్‌ఎస్‌ ఎమ్మెల్సీలు ప్లకార్డులు ప్ర‌ద‌ర్శించారు. ఇదేమి రాజ్యం.. దొంగ‌ల రాజ్యం.. దోపిడి రాజ్యం, రాఘ‌వ క‌న్‌స్ట్ర‌క్ష‌న్స్‌పై చ‌ర్య‌లు తీసుకోవాల‌ని, అవినీతి మంత్రి పొంగులేటిని వెంట‌నే బ‌ర్త‌ర‌ఫ్ చేయాల‌ని పెద్ద‌పెట్టున నిర‌స‌న తెలిపారు. ప‌ట్టుబ‌ట్టారు. దీంతో మండ‌లిలో గంద‌ర‌గోళం నెల‌కొన్న‌ది. నిర‌స‌న‌ల మ‌ధ్యే మంత్రి అడ్లూరి ల‌క్ష్మ‌ణ్ తల్లిదండ్రుల పరిరక్షణ బిల్లును ప్ర‌వేశ‌పెట్టారు. అనంత‌రం బిల్లును స‌భ ఆమోదించింది. అయితే బీఆర్ఎస్ ఎమ్మెల్సీలు అలాగే నిర‌స‌న కొన‌సాగిస్తుండ‌టంతో చైర్మ‌న్ గుత్త సుఖేంద‌ర్ రెడ్డి వారిని స‌భ నుంచి స‌స్పెండ్ (Suspension) చేశారు. గౌర స‌భ్యుల‌ను గౌర‌వ ప్ర‌దంగా బ‌య‌ట‌కు పంపాల‌ని మార్ష‌ల్స్‌ను ఆదేశించారు.

కాగా, అంత‌కుముందు గ‌న్‌పార్క్ వ‌ద్ద కూడా బీఆర్ఎస్ ఎమ్మెల్సీలు నిర‌స‌న‌కు దిగారు. మంత్రుల అవినీతిపై హైకోర్టు సిట్టింగ్ జడ్జితో విచారణ జరిపించాలని డిమాండ్‌ చేశారు. అక్రమ మైనింగ్‌కు పాల్పడిన మంత్రి పొంగులేటిని బర్తరఫ్ చేయాలంటూ నినాదాలు చేశారు. ఇదే విష‌య‌మై గ‌త రెండు రోజులు శాస‌న స‌భ అట్టుడికిన విష‌యం తెలిసిందే. మంత్రి పొంగులేటి శ్రీనివాస్ రెడ్డి కంపెనీపై చ‌ర్య‌లు తీసుకోవాల‌ని, హౌస్ క‌మిటీ వేయాల‌ని, మంత్రిని కేబినెట్ నుంచి బ‌ర్త‌ర‌ఫ్ చేయాల‌ని బీఆర్ఎస్ ప‌ట్టుబ‌ట్టింది. దీంతో ప్ర‌భుత్వం 2014 జూన్ 2 నుంచి రాఘ‌వ క‌న్‌స్ట్ర‌క్ష‌న్స్ వ్య‌వ‌హారం వ‌ర‌కు రాష్ట్రంలో జ‌రిగిన గ‌నుల వ్య‌వ‌హారంపై సీబీసీఐడీ విచార‌ణ‌కు ఆదేశించింది. దీనికి అందీక‌రించ‌ని బీఆర్ఎస్, హౌస్ క‌మిటీ వేయాల‌ని ప‌ట్టుబట్టింది. దీంతో ఆదివారం స‌మావేశాలు కొన‌సాగిన‌న్ని రోజులు వారిపై స్పీక‌ర్ స‌స్పెండ్ చేశారు.