DK Aruna | రేవంత్ అస‌మ‌ర్థుడు.. రాజీనామా చేయాల్సిందే : ఎంపీ డీకే అరుణ‌

DK Aruna | త్రినేత్ర‌.న్యూస్ : విద్యాశాఖ మంత్రిగా సీఎం రేవంత్ రెడ్డి( CM Revanth Reddy ) అస‌మ‌ర్థుడు అని మ‌హ‌బూబ్‌న‌గ‌ర్ బీజేపీ ఎంపీ డీకే అరుణ( DK Aruna ) పేర్కొన్నారు. ఆయ‌న త‌క్ష‌ణ‌మే విద్యాశాఖ మంత్రి ప‌ద‌వికి రాజీనామా చేసి, ఇంజినీరింగ్ విద్యార్థుల‌కు క్ష‌మాప‌ణ చెప్పాల‌ని ఆమె డిమాండ్ చేశారు. ఇంజినీరింగ్ విద్యార్థులు ఓ క్రిమిన‌ల్ వేస్ట్ అన్న సీఎం వ్యాఖ్య‌ల‌పై డీకే అరుణ విరుచుకుప‌డ్డారు.

ఇంజినీరింగ్ విద్యార్థులు అంట క్రిమినల్ వేస్ట్ అంట‌. వాళ్లు పాపం పేద త‌ల్లిదండ్రులు. ఊర్లో కూలీనాలీ చేసుకుని బ‌తికేటోళ్లు. వాళ్లు ఈ రోజు క‌ష్ట‌ప‌డి నానా తిప్ప‌లు ప‌డి కాలేజీల‌కు పంపి ఇంజినీరింగ్ చ‌దివిస్తే వాళ్లంత క్రిమిన‌ల్ వేస్ట్ అంట‌. మ‌రి ఈ విద్యా వ్య‌వ‌స్థ‌కు ఎవ‌రు బాధ్యులు..? ఈ రాష్ట్రంలో విద్యా శాఖ ఎవ‌రి ద‌గ్గ‌ర ఉంది..? విద్యాశాఖ మంత్రి ఎవ‌రు ఈ రోజు..? మ‌రి మీరు దీన్ని ఎందుకు మార్చ‌లేక‌పోయారు. ఎందుకు క్వాలిటీ ఎడ్యుకేష‌న్ ఇవ్వ‌లేక‌పోతున్నారు. మీరు అధికారంలోకి వ‌చ్చి మూడేండ్లు అవుతుంది క‌దా..? ఈ రోజు విద్యార్థుల‌ను అవ‌మాన‌ప‌రిచే విధంగా మాట్లాడుతుంటే ఇది స‌మంజ‌సం అనిపిస్తుందా..? మ‌ళ్లీ విద్యార్థులు ధ‌ర్నాలు చేస్తే వాళ్ల మీద లాఠీచార్జ్ చేయిస్త‌రు. వాళ్ల‌కు ప్ర‌శ్నించే హ‌క్కు లేదా..? ఈ రోజు మీరు ఫీజు రీయింబ‌ర్స్‌మెంట్ చేయ‌కుండా, మ‌ళ్లీ వారిని అవ‌మాన‌ప‌రిచిన‌ట్లు మాట్లాడుతుంటే ఇది ఏ మాత్రం కూడా క్ష‌మించ‌రాన‌టువంటిది. మీరు త‌ప్ప‌కుండా విద్యార్థుల‌కు క్ష‌మాప‌ణ చెప్పాలి. విద్యాశాఖ మంత్రిగా మీకు ఆ కుర్చీలో కూర్చొనే అర్హ‌త కూడా లేదు అని డీకే అరుణ తెలిపారు.

అడికి పోయొచ్చి రెండు మాట‌లు నేర్చుకున్నంత మాత్రాన

అంద‌రికీ మీలాగా హార్వ‌ర్డ్ స్కూల్‌కు వెళ్లి వీకెండ్ క్లాస్‌లు అటెండ్ చేయ‌డానికి అవ‌కాశం రాదు. మీరంటే ముఖ్య‌మంత్రిగా పోయిండ్రు.. అవ‌కాశం వ‌చ్చింది చేశారు. అడికి పోయొచ్చి రెండు మాట‌లు నేర్చుకున్నంత మాత్రాన మిగ‌తా విద్యార్థుల‌ను అవ‌మానించాల్సిన అవ‌స‌రం లేదు. మీకు చేత‌నైతే వారికి కూడా అలాంటి అవ‌కాశాలు క‌ల్పించండి. కానీ వారిని అవ‌మానించే విధంగా మాట్లాడుతున్నారంటే దానికి మీరు బాధ్యులు. మీరు రాజీనామా చేయాలి. మీరు అస‌మ‌ర్థులని నిరూపించుకున్న‌రు అని డీకే అరుణ మండిప‌డ్డారు.