Rashmika Mandanna | అఫీషియ‌ల్ : ఓటీటీలోకి ర‌ష్మిక మంద‌న్న బాలీవుడ్ రొమాంటిక్ మూవీ – తెలుగులో రిలీజ్

Rashmika Mandanna | ర‌ష్మిక మంద‌న్న హీరోయిన్‌గా న‌టించిన బాలీవుడ్ మూవీ కాక్ టెయిల్ 2 ఓటీటీ రిలీజ్‌డేట్ అఫీషియ‌ల్‌గా ఖ‌రారైంది. షాహిద్‌క‌పూర్ హీరోగా న‌టించిన ఈ మూవీలో ర‌ష్మిక మంద‌న్న‌తో పాటు కృతి స‌న‌న్ హీరోయిన్లుగా న‌టించారు. దీపికా ప‌డుకోణ్ క‌థానాయిక‌గా 2012లో రిలీజై బిగ్గెస్ట్ బ్లాక్‌బ‌స్ట‌ర్‌గా నిలిచిన కాక్ టెయిల్‌కు సీక్వెల్‌గా ఈ రొమాంటిక్ కామెడీ మూవీ రూపొందింది. హోమీ అద్జానియా ద‌ర్శ‌క‌త్వం వ‌హించాడు.

ఆగ‌స్ట్ 14న‌...

కాక్ టెయిల్ 2 ఓటీటీలోకి వ‌చ్చేస్తోంది. ఆగ‌స్ట్ 14 నుంచి నెట్‌ఫ్లిక్స్‌లో స్ట్రీమింగ్ కాబోతుంది. హిందీతో పాటు తెలుగులోనూ రిలీజ్ అవుతోంది.
కాక్ టెయిల్ 2 థియేట‌ర్ల‌లో మిక్స్‌డ్ టాక్‌ను సొంతం చేసుకుంది. అయినా క‌లెక్ష‌న్స్ మాత్రం భారీగానే వ‌చ్చాయి. 110 కోట్ల బ‌డ్జెట్‌తో రూపొందిన ఈ మూవీ 140 కోట్ల‌కుపైగా వ‌సూళ్ల‌ను ద‌క్కించుకుంది. ఈ ఏడాది బాలీవుడ్‌లో హ‌య్యెస్ట్ క‌లెక్ష‌న్స్ రాబ‌ట్టిన టాప్ టెన్ సినిమాల లిస్ట్‌లో ఆరో ప్లేస్‌లో నిలిచింది.

బోల్డ్ రోల్‌లో...

కాక్ టెయిల్ 2 రిలీజ్‌కు ముందు ర‌ష్మిక మంద‌న్న పాత్ర అభిమానుల్లో ఆస‌క్తిని రేకెత్తించింది. కెరీర్‌లో ఫ‌స్ట్ టైమ్ బోల్డ్ రోల్‌లో ఈ బ్యూటీ క‌నిపించ‌డంపై బాలీవుడ్‌తో పాటు టాలీవుడ్‌లో జోరుగానే డిస్క‌ష‌న్స్ న‌డిచాయి. కానీ రిలీజ్ త‌ర్వాత మాత్రం ర‌ష్మిక క్యారెక్ట‌ర్‌పై దారుణంగా ట్రోల్స్ వ‌చ్చాయి. మోడ్ర‌న్‌గా సాగే ఈ రోల్ ర‌ష్మిక‌కు అస్స‌లు సెట్ట‌వ్వ‌లేద‌ని, ఆమెను ఎంపిక చేసి మేక‌ర్స్ త‌ప్పుచేశారంటూ ఆడియెన్స్ విమ‌ర్శించారు. కృతి స‌న‌న్‌ను హైలైట్ చేయ‌డానికి ర‌ష్మిక మంద‌న్న రోల్ ప్రాముఖ్య‌త‌తో పాటు లెంగ్త్‌ను కావాల‌నే త‌గ్గించిన‌ట్లు పుకార్లు షికారు చేశారు. ఈ విమ‌ర్శ‌ల‌తో హ‌ర్ట‌యిన ర‌ష్మిక రిలీజ్ త‌ర్వాత ప్ర‌మోష‌న్స్‌కు దూర‌మైంది.

కునాల్‌, దియా....మ‌ధ్య‌లో యాలీ...

కునాల్‌తో ప్రేమ‌లో ప‌డుతుంది దియా. పెద్దల అంగీకారంతో ఇద్ద‌రు పెళ్లిచేసుకోవాల‌ని అనుకుంటారు. పెళ్లికి కొద్ది రోజులు ఉంద‌న‌గా కునాల్ లైఫ్‌లోకి అనుకోకుండా దియా ప్రాణ స్నేహితురాలు యాలీ ఎంట‌ర‌వుతుంది. దియాతో కునాల్ పెళ్లి ఫిక్స‌య్యింద‌ని తెలిసి కూడా అత‌డి వెంట‌ప‌డుతుంది యాలీ. కునాల్‌ను యాలీ ఇష్ట‌ప‌డుతుంద‌ని తెలిసి దియా ఏం చేసింది. దియా, యాలీల‌లో కునాల్ ఎవ‌రిని పెళ్లి చేసుకున్నాడు? అన్న‌దే ఈ మూవీ క‌థ‌.