Allu Arjun | బ‌న్నీ , లోకేష్ మూవీ నుంచి ఇంట్రెస్టింగ్ అప్‌డేట్ – స్నేహితులను నిర్మాతలుగా పరిచయం చేస్తున్న ఐకాన్ స్టార్

ఫ్రెండ్‌షిప్ డే సంద‌ర్భంగా అల్లు అర్జున్‌, లోకేష్ క‌న‌గ‌రాజ్ కాంబినేష‌న్‌లో వ‌స్తోన్న సినిమాపై ఓ ఇంట్రెస్టింగ్ అప్‌డేట్ రివీలైంది. ఈ సినిమాతో త‌న న‌లుగురు స్నేహితుల‌ను బ‌న్నీ స‌హ‌నిర్మాత‌లుగా ప‌రిచ‌యం చేయ‌బోతున్నారు. ప్ర‌స్తుతం అట్లీ డైరెక్ష‌న్‌లో రాకా పేరుతో సైంటిఫిక్ యాక్ష‌న్ మూవీ చేస్తోన్నాడు బ‌న్నీ. దాదాపు 1300 కోట్ల బ‌డ్జెట్‌తో తెర‌కెక్కుతోన్న ఈ పాన్ ఇండియ‌న్ మూవీ వ‌చ్చే ఏడాది థియేట‌ర్ల‌లోకి రాబోతుంది. అట్లీ సినిమా షూటింగ్ కంప్లీట్ కాక‌ముందే కోలీవుడ్ స్టార్ డైరెక్ట‌ర్ లోకేష్ క‌న‌గ‌రాజ్ ద‌ర్శ‌క‌త్వంలో బ‌న్నీ ఓ సూప‌ర్ హీరో మూవీకి గ్రీన్‌సిగ్న‌ల్ ఇచ్చాడు.

23వ మూవీ...

ప్ర‌స్తుతం ఈ సినిమా ప్రీ ప్రొడ‌క్ష‌న్ ప‌నులు జ‌రుగుతోన్నాయి. లోకేష్ క‌న‌గ‌రాజ్ సినిమాల స్టైల్‌లోనే మాస్ ఎలిమెంట్స్‌, హీరోయిజం హంగుల‌తో ఈ సినిమా ఉండ‌బోతున్న‌ట్లు స‌మాచారం. ఇందులో సూప‌ర్ హీరోగా బ‌న్నీ రోల్ ప‌వ‌ర్‌ఫుల్‌గా ఉంటుంద‌ని అంటున్నారు. అల్లు అర్జున్ హీరోగా న‌టిస్తోన్న 23వ మూవీ ఇది.

స్కూల్ ఫ్రెండ్స్..

మైత్రీ మూవీ మేక‌ర్స్ నిర్మిస్తోన్న ఈ సినిమాకు బ‌న్నీ న‌లుగురు స్నేహితులు స‌హ‌నిర్మాత‌లుగా వ్య‌వ‌హ‌రించ‌బోతున్నారు. అల్లు అర్జున్ స్టార్ హీరోగా అత్యున్న‌త స్థానానికి ఎదిగినా స్నేహానికి, స్నేహితుల‌కు అత‌డు ఇచ్చే విలువ‌లో మార్పు రాలేద‌ని అత‌డి స‌న్నిహితులు చెబుతుంటారు. ఆ స్నేహాన్ని న‌మ్మి త‌న న‌లుగురు క్లోజ్ ఫ్రెండ్స్‌కు స‌హ‌నిర్మాత‌లుగా బ‌న్నీ ఛాన్స్ ఇచ్చాడు. బ‌న్నీ వాస్‌తో పాటు అల్లు అర్జున్ స్కూల్ ఫ్రెండ్స్ సందీప్ రామినేని, న‌ట‌రాజ్, చిన్న‌నాటి స్నేహితురాలు స్వాతి లోకేష్ క‌న‌గ‌రాజ్‌తో చేస్తోన్న సినిమాకు కో ప్రొడ్యూస‌ర్స్‌గా ప‌నిచేస్తున్నారు.

మొద‌టిసారి కాదు...

తాను ఒక్క‌డే ఎద‌గ‌డం కాకుండా త‌న చుట్టుప‌క్క‌ల ఉన్న‌వాళ్లు కూడా ఎద‌గాల‌ని బ‌న్నీ కోరుకుంటార‌న‌డానికి ఇదే నిద‌ర్శ‌న‌మ‌ని ఇండ‌స్ట్రీ వ‌ర్గాలు చెబుతోన్నాయి. అల్లు అర్జున్ స‌న్నిహితుల‌కు అవ‌కాశాలు ఇవ్వ‌డం ఇదే మొద‌టిసారి కాదు. పుష్ప ది రైజ్ సినిమాలో బ‌న్నీ బంధువులు ముత్తంశెట్టి మీడియా పేరుతో భాగ‌మ‌య్యారు. అలాగే బ‌న్నీ స్నేహితులైన ఎస్‌కేఎన్‌, శ‌ర‌త్‌లు ఇప్ప‌టికే స‌క్సెస్‌ఫుల్ నిర్మాత‌లుగా రాణిస్తున్నారు