Chintala Ramachandra Reddy | ఖైర‌తాబాద్‌లో పోటీకి రెడీ : చింత‌ల రామ‌చంద్రారెడ్డి

Chintala Ramachandra Reddy | త్రినేత్ర న్యూస్ : ఖైర‌తాబాద్ ఉప ఎన్నిక‌లో గెలిచేందుకు అధికార కాంగ్రెస్ పార్టీతో పాటు ప్ర‌తిప‌క్ష పార్టీలు బీజేపీ, బీఆర్ఎస్ కూడా తీవ్రంగా శ్ర‌మిస్తున్నాయి. బ‌ల‌మైన అభ్య‌ర్థుల‌ను బరిలోకి దింపేందుకు సిద్ధ‌మ‌వుతున్నాయి. అయితే బీజేపీ త‌ర‌పున పోటీకి సిద్ధంగా ఉన్నాన‌ని ఆ పార్టీ సీనియ‌ర్ నేత‌, మాజీ ఎమ్మెల్యే చింత‌ల రామ‌చంద్రారెడ్డి పేర్కొన్నారు. కాంగ్రెస్ కుట్ర వ‌ల్లే ఉప ఎన్నిక అనివార్య‌మైంద‌ని ఆయ‌న మండిప‌డ్డారు.

కోర్టుల్లో మా పోరాటంతో ఖైర‌తాబాద్ నియోజ‌క‌వ‌ర్గానికి ఉప ఎన్నిక తప్పలేదు. పార్టీ ఫిరాయింపులను ప్రజలు అస్య‌హించుకుంటున్నారు. కాంగ్రెస్, బీఆర్ఎస్ పార్టీలు ఫిరాయింపులను ప్రోత్సహిస్తున్నాయని తెలిపారు. ఖైరతాబాద్ బీజేపీ టికెట్ అడుగుతున్నా. టికెట్ అడిగే హక్కు కార్యకర్తగా నాకు ఉంది. అధిష్ఠానం నిర్ణయమే శిరోధార్యం అని మాజీ ఎమ్మెల్యే చింతల రామ‌చంద్రారెడ్డి పేర్కొన్నారు.