Heart Attack | గృహ ప్ర‌వేశ వేడుక‌లో గుండెపోటు.. ఫొటో దిగుతూ కుప్ప‌కూలిన మ‌హిళ‌

Heart Attack | త్రినేత్ర‌.న్యూస్ : ఎవ‌రి ఊపిరి ఎప్పుడు ఆగిపోతుందో తెలియ‌ని ప‌రిస్థితి. ఇటీవ‌లి కాలంలో ప‌సిపిల్ల‌ల నుంచి మొద‌లుపెడితే వృద్ధుల వ‌ర‌కు గుండెపోటుకు బ‌ల‌వుతున్నారు. ఓ గృహ ప్ర‌వేశ వేడుక‌లో కూడా ఓ మ‌హిళ గుండెపోటుతో కుప్ప‌కూలింది. ఈ విషాద ఘ‌ట‌న ఖ‌మ్మం న‌గ‌రంంలోని త్రీ టౌన్ ప్రాంతంలో చోటు చేసుకుంది.

త్రీ టౌన్‌కు చెందిన బొమ్మ సుస్మిత‌.. త‌మ బంధువుల గృహ ప్ర‌వేశ వేడుకకు హాజ‌రైంది. ఇక అంద‌ర్నీ క‌లిసి ఆప్యాయంగా ప‌లుక‌రించింది. అక్కడ ఏర్పాటు చేసిన స్టేజీపై బంధువుల‌తో క‌లిసి ఫొటో దిగుతుండ‌గా.. ఒక్క‌సారిగా కుప్ప‌కూలిపోయింది. అప్ర‌మ‌త్త‌మైన బంధువులు ఆమెను ఆస్ప‌త్రికి త‌ర‌లించ‌గా, గుండెపోటుతో ప్రాణాలు కోల్పోయిన‌ట్లు నిర్ధారించారు. దీంతో మృతురాలి కుటుంబ స‌భ్యులు, బంధువులు శోక‌సంద్రంలో మునిగిపోయారు. ఈ ఘ‌ట‌న‌కు సంబంధించిన వీడియో సోష‌ల్ మీడియాలో వైర‌ల్ అవుతోంది.

[video width="848" height="478" mp4="https://www.trinethra.news/static-media/wp-content/uploads/2026/03/WhatsApp-Video-2026-03-16-at-16.06.53.mp4"][/video]