Mahabubnagar | గొంతులో ఇరుక్కున్న బిస్కెట్.. ఏడాదిన్న‌ర బాలుడు మృతి

Mahabubnagar | త్రినేత్ర న్యూస్ : ఓ ఏడాదిన్న‌ర వ‌య‌సున్న బాలుడు బిస్కెట్ తింటుండ‌గా, గొంతులో ఇరుక్కుంది. దీంతో ఊపిరాడ‌క చ‌నిపోయాడు. ఈ విషాద ఘ‌ట‌న మ‌హ‌బూబ్‌న‌గ‌ర్ జిల్లా మూసాపేట మండ‌లంలో వెలుగు చూసింది.

మూసాపేట మండ‌లం సుర్తి తండాకు చెందిన మూడ‌వ‌త్ శ్రీను, మౌనిక దంప‌తుల‌కు ఇద్ద‌రు సంతానం. అయితే శ‌నివారం రాత్రి ఇద్ద‌రు పిల్ల‌ల‌కు త‌ల్లి బిస్కెట్లు ఇచ్చి వంట ప‌నిలో నిమ‌గ్న‌మైంది. ఏడాదిన్న‌ర వ‌యసున్న బాలుడికి బిస్కెట్ గొంతులో ఇరుక్కుపోయింది. గొంతులో బిస్కెట్ అడ్డురావ‌డంతో శ్వాస తీసుకునేందుకు ఇబ్బంది ప‌డ్డాడు. అప్ర‌మ‌త్త‌మైన కుటుంబ స‌భ్యులు బాధిత బాలుడిని చికిత్స నిమిత్తం ఎస్వీఎస్ ఆస్ప‌త్రికి త‌ర‌లించారు. అప్ప‌టికే బాబు చ‌నిపోయిన‌ట్లు వైద్యులు నిర్ధారించారు. బిడ్డ మృతితో త‌ల్లిదండ్రులు, బంధువులు శోక‌సంద్రంలో మునిగిపోయారు. సుర్తి తండాలో విషాద‌ఛాయ‌లు అలుముకున్నాయి.