realme NARZO Days Sale | రియ‌ల్‌మి నార్జో డేస్ సేల్‌.. స్మార్ట్ ఫోన్ల‌పై భారీ త‌గ్గింపు ధ‌ర‌లు..

realme NARZO Days Sale | మొబైల్స్ త‌యారీదారు రియ‌ల్‌మి త‌న నార్జో డేస్ సేల్‌ను ప్ర‌క‌టించింది. ఈ సేల్ గురువారం ప్రారంభం కాగా ఏప్రిల్ 27 వ‌ర‌కు అమెజాన్‌లో కొన‌సాగ‌నుంది. ఈ సేల్‌లో భాగంగా రియ‌ల్‌మి త‌న నార్జో సిరీస్ స్మార్ట్ ఫోన్ల‌పై త‌గ్గింపు ధ‌ర‌లు, ఇత‌ర ఆఫ‌ర్ల‌ను అందిస్తోంది. అలాగే నో కాస్ట్ ఈఎంఐ స‌దుపాయాల‌ను సైతం అందుబాటులో ఉంచింది. ఈ సేల్‌లో రియ‌ల్‌మి నార్జో 80, నార్జో 90, నార్జో 90ఎక్స్ ఫోన్ మోడ‌ల్స్‌పై రూ.1వేయి కూప‌న్ డిస్కౌంట్ ఇస్తున్నారు. ఇక నార్జో ప‌వ‌ర్ ఫోన్‌పై రూ.1వేయి కూప‌న్ డిస్కౌంట్‌తోపాటు మ‌రో రూ.1వేయి బ్యాంక్ ఆఫ‌ర్‌, 6 నెల‌ల వ‌ర‌కు నో కాస్ట్ ఈఎంఐ స‌దుపాయాన్ని ఇచ్చారు.

మెరుగైన బ్యాట‌రీ బ్యాక‌ప్ కావాలంటే..

సేల్ లో భాగంగా రియ‌ల్‌మి నార్జో సిరీస్‌లోని ప‌లు ఇత‌ర స్మార్ట్ ఫోన్లు త‌గ్గింపు ధ‌ర‌ల‌కే అందుబాటులో ఉన్నాయి. నార్జో 80 లైట్ 4జి త‌గ్గింపు అనంతరం రూ.8,999కే అందుబాటులో ఉండ‌గా, నార్జో 80 లైట్ 5జి రూ.11,999కి, నార్జో 80ఎక్స్ రూ.12,999 కి, నార్జో ఎన్‌100 లైట్ రూ.13,499కి, నార్జో 13 ప్ల‌స్ రూ.20,999కి అందుబాటులో ఉన్నాయి. మెరుగైన బ్యాట‌రీ లైఫ్ కోరుకునే వినియోగ‌దారుల‌ను ల‌క్ష్యంగా చేసుకుని రియ‌ల్‌మి ఈ ఫోన్ల‌పై ఆఫ‌ర్ల‌ను అందిస్తోంది.

రియ‌ల్‌మి నార్జో ప‌వ‌ర్ 5జి ఫోన్‌లో..

రియ‌ల్‌మి నార్జో ప‌వ‌ర్ 5జి ఫోన్‌లో ఏకంగా 10,001 ఎంఏహెచ్ భారీ కెపాసిటీ క‌లిగిన బ్యాట‌రీ ఉండ‌గా, నార్జో 90ఎక్స్ ఫోన్ ను సేల్‌లో అందుబాటులో ఉంచిన మొద‌టి రోజే ఏకంగా 1 ల‌క్ష యూనిట్ల‌కు పైగా అమ్ముడ‌య్యాయ‌ని కంపెనీ తెలిపింది. ఇక నార్జో 80, 90 సిరీస్ ఫోన్ల‌లో ప‌లు భిన్న ర‌కాల వేరియెంట్ల‌ను కూడా అందుబాటులో ఉంచారు. ఇవి రోజువారీ సాధార‌ణ ప‌నుల‌కు ఎంతో ఉప‌యుక్తంగా ఉండ‌డంతోపాటు అధిక బ్యాట‌రీ బ్యాక‌ప్‌ను, లైఫ్‌ను ఇస్తాయ‌ని కంపెనీ చెబుతోంది.