Croma | క్రోమాలో ఐఫోన్ 16, 17పై భారీ త‌గ్గింపు.. సేల్ ఎప్ప‌టి వ‌ర‌కు అంటే..?

Croma | ప్ర‌ముఖ రిటెయిల్ సంస్థ క్రోమా ఐఫోన్ల‌పై భారీ రాయితీల‌ను అందిస్తోంది. ఈ మేర‌కు Everything Apple Sale పేరిట ఓ ప్ర‌త్యేక సేల్ ను త‌మ స్టోర్‌ల‌లో ఆ సంస్థ నిర్వ‌హిస్తోంది. ఈ సేల్‌లో భాగంగా ఐఫోన్ 17 ను రూ.45వేల లోపు కొనుగోలు చేసే అవ‌కాశం ల‌భిస్తోంది. ఐఫోన్ 16ను కూడా రూ.35వేలకు కొనుగోలు చేయ‌వ‌చ్చు. ప‌లు ఆఫ‌ర్లు, ఎక్స్ఛేంజ్ డీల్స్‌, రివార్డుల‌ను క‌లిపితే ఆయా భారీ తగ్గింపు ధ‌ర‌కు ఆ ఫోన్లు ల‌భిస్తున్నాయి. ఐఫోన్ 17 లాంచింగ్ ధ‌ర రూ.82,900 ఉండ‌గా ఈ ఫోన్‌ను ప్ర‌స్తుతం రూ.44,768కు కొనుగోలు చేయ‌వ‌చ్చు. ఐఫోన్ 16 ధ‌ర ప్ర‌స్తుతం త‌గ్గింపు అనంత‌రం రూ.35,991గా ఉంది.

ఐఫోన్ 17 విష‌యానికి వ‌స్తే.. ఈ ఫోన్ ను కొన్న‌వారికి రూ.2వేల క్యాష్ బ్యాక్ ఇస్తున్నారు. మ‌రో 2 శాతం (రూ.1658) కూపన్ డిస్కౌంట్ ల‌భిస్తోంది. పాత ఫోన్‌ను ఎక్స్ఛేంజ్ చేస్తే రూ.23,500 వ‌ర‌కు విలువ వ‌స్తుంది. ఇది ఫోన్ కండిష‌న్‌, మోడ‌ల్‌ను బ‌ట్టి ఉంటుంది. గ‌రిష్ట ధ‌ర‌గా ఆ మొత్తాన్ని ఇస్తారు. ఫోన్ ఎక్స్‌ఛేంజ్‌పై రూ.8వేల వ‌ర‌కు అద‌న‌పు బోన‌స్‌ను కూడా ఇస్తున్నారు. వినియోగ‌దారుల వ‌ద్ద టాటా న్యూ కాయిన్స్ ఉంటే వాటితో రూ.4,974 వ‌ర‌కు డిస్కౌంట్ ఇస్తారు. ఇలా అన్ని ఆఫ‌ర్లను క‌లిపితే ఫోన్ ధ‌ర భారీగా త‌గ్గుతుంది. ఈ ఫోన్‌పై ఈఎంఐ స‌దుపాయం కూడా అందుబాటులో ఉంది. నెల‌కు రూ.4,145కు ఈ ఫోన్‌ను సొంతం చేసుకోవ‌చ్చు.

ఐఫోన్ 16 విష‌యానికి వ‌స్తే ఈ ఫోన్ అస‌లు ధ‌ర రూ.69,900 ఉండ‌గా, ప్ర‌స్తుతం త‌గ్గింపు అనంత‌రం రూ.63,490కి లిస్ట్ అయింది. ఈ ఫోన్‌ను కొంటే రూ.1500 కూప‌న్ డిస్కౌంట్ ఇస్తారు. రూ.6వేల వ‌ర‌కు ఎక్స్‌ఛేంజ్ బోన‌స్‌ను పొంద‌వ‌చ్చు. పాత ఫోన్ ఎక్స్‌ఛేంజ్‌పై గ‌రిష్టంగా రూ.16వేలు ఇస్తారు. టాటా న్యూ కాయిన్స్ కూడా ఉంటే మ‌రో రూ.3,999 వ‌ర‌కు డిస్కౌంట్ పొంద‌వ‌చ్చు. దీంతో ఫోన్ ధ‌ర రూ.35,991 అవుతుంది.

క్రోమా స్టోర్‌ల‌లో ఈ సేల్‌ను మార్చి 8వ తేదీ వ‌ర‌కు నిర్వ‌హిస్తున్న‌ట్లు తెలిపింది. దేశ‌వ్యాప్తంగా అన్ని స్టోర్‌ల‌లో ఈ ఆఫ‌ర్‌ను పొంద‌వ‌చ్చ‌ని తెలియ‌జేసింది.