Apple | యాపిల్ కొత్త ఐమ్యాక్‌, మ్యాక్‌బుక్ ప్రొ వ‌చ్చేశాయి.. ధ‌ర‌లు ఎంతంటే..?

Apple | యాపిల్ కొత్త ఎం6 చిప్‌తో 14 ఇంచుల మ్యాక్‌బుక్ ప్రొ, 24 ఇంచుల ఐమ్యాక్ కంప్యూటర్లను లాంచ్ చేసింది. మెరుగైన పనితీరు, వేగవంతమైన ఏఐ ప్రాసెసింగ్, వైఫై 7 కనెక్టివిటీ వీటి ప్రత్యేకతలు. బుధ‌వారం నుంచి ప్రీ-ఆర్డర్లు ప్రారంభం కాగా, నవంబర్ 6 నుంచి విక్రయాలు మొదలుకానున్నాయి.

కొత్త 14 ఇంచుల మ్యాక్‌బుక్ ప్రొ ఎం6లో 12-కోర్ సీపీయూ, 12-కోర్ జీపీయూ, 16 జీబీ నుంచి 32 జీబీ వరకు యూనిఫైడ్ మెమరీ సదుపాయం ఉన్నాయి. గ్రాఫిక్స్ పనితీరు గత ఎం5 మోడల్‌తో పోలిస్తే 30 శాతం వరకు మెరుగుపడిందని యాపిల్ వెల్లడించింది. వైఫై 7, బ్లూటూత్ 6, 24 గంటల వరకు వీడియో స్ట్రీమింగ్ బ్యాటరీ సామర్థ్యం ఇందులో ఉన్నాయి. భార‌త్‌లో ప్రారంభ ధర రూ. 2,39,900గా ఉంది.

కొత్త 24 ఇంచుల ఐమ్యాక్ ఎం6లో 4.5కె రెటినా డిస్‌ప్లే, 12-కోర్ వరకు సీపీయూ, 12-కోర్ వరకు జీపీయూ, 32 జీబీ వరకు మెమరీ సదుపాయం ఉన్నాయి. స్థానికంగా ఏఐ పనులను వేగంగా నిర్వహించేలా దీన్ని రూపొందించారు. వై-ఫై 7, బ్లూటూత్ 6, 12 మెగాపిక్స‌ల్ సెంటర్ స్టేజ్ కెమెరా, ఆరు స్పీకర్ల సౌండ్ సిస్టమ్ ప్రత్యేకతలు. దీని ప్రారంభ ధర రూ. 1,74,900గా ఉంది. దేశ‌వ్యాప్తంగా వినియోగ‌దారులు యాపిల్ అధికారిక పార్ట్‌న‌ర్‌షిప్ స్టోర్లు, ఆన్‌లైన్ స్టోర్ల‌తోపాటు యాపిల్ ఇండియా ఆన్‌లైన్ స్టోర్‌లోనూ వీటిని ఆర్డ‌ర్ చేయ‌వ‌చ్చు.