ఆండ్రాయిడ్ ఫోన్ యూజ‌ర్ల‌కు అల‌ర్ట్‌.. ఓటీపీ లేకుండానే బ్యాంకు ఖాతాల్లోని న‌గ‌దును దోచేస్తున్నారు జాగ్ర‌త్త‌..

ఆన్లైన్ ట్రాన్సాక్షన్లకు సంబంధించి కచ్చితంగా ఓటీపీ ఉంటేనే బిల్లు చెల్లింపులు లేదా నగదు ట్రాన్స్ఫర్ పూర్తవుతుందన్న విషయం అందరికీ తెలిసిందే. మొబైల్ లేదా ఇంటర్నెట్ బ్యాంకింగ్, యూపీఐ, డెబిట్, క్రెడిట్ కార్డులు ఇలా ఏ మాధ్యమం ద్వారా బిల్లు చెల్లింపులు, నగదు ట్రాన్స్ఫర్ చేసినా కూడా కచ్చితంగా వినియోగదారులు ఓటీపీని ఎంటర్ చేయాలి. ఈ క్రమంలోనే చాలా మంది సైబర్ నేరస్థులు వినియోగదారుల నుంచి ఆ ఓటీపీలను ఎలాగైనా సరే సేకరించి వారి నగదును పెద్ద ఎత్తున దోచేస్తున్నారు. ఇలా ఇప్పటి వరకు జరుగుతూ వచ్చింది. అందుకనే ఓటీపీలు, కార్డుల సమాచారం, బ్యాంకు యూజర్ నేమ్, పాస్ వర్డ్లను ఎవరికీ చెప్పకూడదని హెచ్చరిస్తుంటారు. అయితే నేరస్థులు ఇప్పుడు కొత్త మార్గం ఎంచుకున్నారు. ఓటీపీ అవసరం లేకుండానే వినియోగదారుల బ్యాంకు ఖాతాల్లో ఉన్న నగదును దోచేసే కొత్త మార్గాన్ని అనుసరిస్తున్నారు. దీంతో ప్రజలు ఈ విషయం పట్ల అప్రమత్తంగా ఉండాలని నిపుణులు హెచ్చరిస్తున్నారు. ప్రస్తుతం ఆండ్రాయిడ్ స్మార్ట్ ఫోన్లకు ఓ సరికొత్త మాల్వేర్ వ్యాప్తి చెందుతోంది. Albiriox virus అనే పేరిట ఓ మాల్వేర్ను సైబర్ నేరస్థులు వ్యాప్తి చేస్తున్నారు. ఈ మాల్వేర్ సహాయంతో ఓటీపీలు అవసరం లేకుండానే వినియోగదారులకు చెందిన బ్యాంకు ఖాతాల్లోని నగదును దోచేస్తున్నారు. ఈ మాల్ వేర్ ప్రస్తుతం పెద్ద ఎత్తున వ్యాప్తి చెందుతోందని సెక్యూరిటీ సంస్థలు హెచ్చరిస్తున్నాయి. అయితే ఈ మాల్వేర్ ఆండ్రాయిడ్ స్మార్ట్ ఫోన్లకు వ్యాప్తి చెందుతుందని వారు తెలిపారు. యూజర్లు ప్లే స్టోర్ నుంచి కాకుండా ఇతర థర్డ్ పార్టీ సైట్ల నుంచి లేదా వేరే ఎక్కడి నుంచైనా ఏవైనా యాప్స్ను డౌన్లోడ్ చేసి ఫోన్లో ఇన్స్టాల్ చేస్తే వాటి ద్వారా ఈ మాల్వేర్ వ్యాప్తి చెందుతుందని చెబుతున్నారు. కనుక స్మార్ట్ ఫోన్ వినియోగదారులు ప్లే స్టోర్ కాకుండా ఇతర ఎక్కడి నుంచైనా సరే యాప్స్ను డౌన్ లోడ్ చేసి తమ ఫోన్లలో ఇన్ స్టాల్ చేయకూడదని వారు సూచిస్తున్నారు. అలాగే ఫోన్లో ఉండే సెట్టింగ్స్ విభాగంలోని Install unknown apps అనే ఆప్షన్ను సైతం డిసేబుల్ చేయాలని వారు సూచిస్తున్నారు. ప్రస్తుతం చాలా మంది సైబర్ నేరస్థులు వినియోగదారుల నుంచి ఎలాగైనా సరే ఓటీపీలను సేకరించి వారి బ్యాంకు ఖాతాల్లో ఉన్న నగదును దోచేస్తుండగా, ప్రస్తుతం వ్యాప్తి చెందుతున్న మాల్ వేర్ కారణంగా వారి పని మరింత సులభతరం అవుతుందని నిపుణులు అంటున్నారు. ఈ మాల్ వేర్ వ్యాప్తి చెందిన ఫోన్లోని బ్యాంకింగ్ యాప్స్ అన్నీ సైబర్ నేరస్థుల ఆధీనంలోకి వెళ్లిపోతాయని, అలాగే ఈ మాల్వేర్ కారణంగా ఓటీపీ అవసరం లేకుండానే వారు ఆ యాప్స్ ద్వారా వినియోగదారుల డబ్బును తమ ఖాతాల్లోకి సులభంగా ట్రాన్స్ ఫర్ చేసుకోవచ్చని చెబుతున్నారు. కనుక ఒకసారి మీ ఫోన్కు గనక ఇలాంటి మాల్వేర్ వ్యాప్తి చెందితే అప్పుడు మీకు తెలియకుండానే మీ ప్రమేయం లేకుండానే మీ బ్యాంకు ఖాతాల్లో ఉన్న నగదు మొత్తం మాయవుతుంది. కనుక యాప్స్ను ఫోన్లో ఇన్ స్టాల్ చేసే విషయంలో జాగ్రత్తగా ఉండాలని నిపుణులు సూచిస్తున్నారు.

ఆండ్రాయిడ్ ఫోన్ యూజ‌ర్ల‌కు అల‌ర్ట్‌.. ఓటీపీ లేకుండానే బ్యాంకు ఖాతాల్లోని న‌గ‌దును దోచేస్తున్నారు జాగ్ర‌త్త‌..

FOLLOW US

ట్యాగ్స్:

సంబంధిత వార్తలు

Phone Beside Head | ఫోన్‌ను త‌ల ప‌క్క‌న పెట్టి నిద్రిస్తే క్యాన్స‌ర్ వ‌స్తుందా..?

iPhone | భార‌త్‌లో అత్యధికంగా అమ్ముడ‌వుతున్న ఫోన్ ఇదే..!

Phone Upgrade | ఈ 5 సూచ‌న‌లు క‌నిపిస్తున్నాయా..? అయితే మీ ఫోన్‌ను మార్చేయాలని అర్థం..!

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Zodiac Signs | 2026లో ఆ రాశి రాజ‌కీయ నేత‌ల‌కు మంచి రోజులు.. హంస యోగంతో అధికార పీఠం వైపు..!

INDW Vs SLW | స‌త్తా చాటిన భార‌త్‌.. లంక‌పై టీ20 సిరీస్ క్లీన్ స్వీప్‌..

Zodiac Sign | 2026లో ఈ రాశి విద్యార్థుల‌కు అన్ని విజ‌యాలే..! యూపీఎస్సీ ఫ‌లితాల్లో స‌క్సెస్ అవుతార‌ట‌..!!

POPULAR LINKS

BSNL | బీఎస్ఎన్ఎల్‌ క‌స్ట‌మ‌ర్ల‌కు గుడ్ న్యూస్‌.. త్వ‌ర‌లోనే 5జి సేవ‌లు..

Riddhi Kumar | రాజాసాబ్ కంటే ముందు ప్ర‌భాస్‌తో హీరోయిన్ రిద్ది కుమార్ చేసిన సినిమా ఏదో తెలుసా?