Hardik Pandya | మాజీ భార్య‌, త‌న‌యుడికి రూ.4కోట్ల విలువైన కారును గిఫ్ట్‌గా ఇచ్చిన పాండ్యా..!

Hardik Pandya | భారత స్టార్ క్రికెట్ హార్దిక్ పాండ్యా తన మాజీ భార్య నటాషా స్టాంకోవిచ్, ఐదేళ్ల కుమారుడు అగస్త్య కోసం విలాసవంతమైన ల్యాండ్ రోవర్ డిఫెండర్ యూఎస్‌వీని బ‌హుమ‌తిగా అందించాడు. దాని విలువ రూ.3 నుంచి రూ.4కోట్ల విలువ ఉంటుంద‌ని అంచ‌నా. ముంబ‌యిలో నవ్‌నిత్ మోటార్స్ షోరూమ్‌లో నటాషా, అగస్త్య ఇద్ద‌రు కారును కొనుగోలు చేస్తున్న ఫొటోలు నెట్టింట వైర‌ల్ అయ్యాయి. కార్ల తయారీ సంస్థ సైతం అఫీషియ‌ల్ అకౌంట్ ద్వారా “హార్దిక్ మళ్లీ మమ్మల్ని ఎంచుకున్నారు. అగస్త్య పాండ్యా, నటాషాకు ల్యాండ్ రోవర్ డిఫెండర్ డెలివరీ పూర్తయ్యింది” అని ప్రకటించింది.

పాండ్యా, న‌టాషా ఇద్ద‌రూ 2020లో పెళ్లి చేసుకోగా.. 2024 జులైలో విడిపోయిన విష‌యం తెలిసిందే. ఇద్ద‌రు అగ‌స్త్య‌ను కో పేరిటింగ్ విధానంలో బాధ్య‌త‌గా చూసుకుంటున్నారు. పలు సందర్భాల్లో ఇద్దరూ కలిసి అగస్త్యతో సమయం గడిపే దృశ్యాలు సోష‌ల్ మీడియా వేదిక‌గా షేర్ చేశారు. ప్ర‌స్తుతం హార్దిక్ మహికా షర్మాతో రిలేషన్‌షిప్‌లో ఉన్నా.. తన జీవితంలో తొలి ప్రాధాన్యత కుమారుడేనని ఈ ఎస్‌యూవీని గిఫ్ట్‌గా మళ్లీ నిరూపించాడు. విడాకుల తర్వాత నటాషా తన కెరీర్, ఫిట్‌నెస్‌పై దృష్టి సారించింది. ఇటీవల ఓ ఇంటర్వ్యూలో “మళ్లీ ప్రేమను స్వీకరించడానికి సిద్ధంగా ఉన్నాను. జీవితం నేర్పిన పాఠాలు నన్ను బలంగా తీర్చిదిద్దాయి” అని పేర్కొంది.

 

View this post on Instagram

 

A post shared by Navnit Motors Land Rover Mumbai (@landrover_mumbai)