Shivadhar Reddy nd V Hanumantha Rao | ప్రభుత్వ సలహాదారుగా వీహెచ్.. రాష్ట్ర భద్రతా సలహాదారుగా శివధర్‌రెడ్డి

Shivadhar Reddy nd V Hanumantha Rao | త్రినేత్ర‌.న్యూస్‌: రాష్ట్ర‌ ప్రభుత్వం తాజాగా మరో కీలక నిర్ణయం తీసుకుంది. మాజీ డీజీపీ శివధర్‌ రెడ్డి, కాంగ్రెస్‌ సీనియర్‌ వి.హనుమంత రావుకు కీలక బాధ్య‌త‌ల‌ను అప్పగిస్తూ ఉత్త‌ర్వులు వెల్ల‌డించింది. తెలంగాణ బీసీ సంక్షేమ శాఖ ప్రభుత్వ సలహాదారుగా హనుమంత రావును, స్టేట్‌ సెక్యూరిటీ స‌ల‌హాదారుగా శివధర్‌ రెడ్డిని నియమించింది. ఈ మేరకు గురువారం జీవో(GO)ను విడుదల చేసింది.

మూడు సంవత్సరాల పాటు రాష్ట్ర భద్రతా సలహాదారుగా శివ‌ధ‌ర్‌రెడ్డి సేవలు అందించనున్నారు. చట్టం, శాంతి భద్రతలు, అంతర్గత భద్రతపై ప్రభుత్వానికి సలహాలు ఇవ్వనున్నారు. ఆయ‌న ప‌ద‌వీ విర‌మ‌ణ రోజే రేవంత్ ప్ర‌భుత్వం ఈ బాధ్య‌త‌ల‌ను అప్ప‌గించింది. మంత్రి హోదాలో వీహెచ్‌ను సలహాదారుడిగా, సీఎస్‌ హోదాలో ప్రభుత్వ భద్రతా సలహాదారుగా శివధర్‌రెడ్డిని నియ‌మిస్తూ ఉత్త‌ర్వులు వెలువ‌డ్డాయి.