Web Series | గంధ‌పు చెక్క‌ల స్మ‌గ్ల‌ర్ వీర‌ప్ప‌న్‌పై వెబ్‌సిరీస్ – ఓటీటీలో ఫ్రీ స్ట్రీమింగ్‌

Web Series | 1990 - 2000 ద‌శ‌కంలో త‌మిళ‌నాడు, క‌ర్ణాట‌క రాష్ట్రాల‌ను గ‌డ‌గ‌డ‌లాడించాడు గంధ‌పు చెక్క‌ల స్మ‌గ్ల‌ర్ వీర‌ప్ప‌న్‌. అత‌డిని ప‌ట్టుకోవ‌డానికి ప‌దేళ్ల‌కుపైనే పోలీసులు ప్ర‌య‌త్నించారు. వీర‌ప్ప‌న్‌ను అంత‌మొందించ‌డానికి ఆప‌రేష‌న్ కుకూన్ పేరుతో త‌మిళ‌నాడు ప్ర‌భుత్వం ఓ సీక్రెట్ ఆప‌రేష‌న్ చేప‌ట్టింది. ఈ ఆప‌రేష‌న్ కోసం దాదాపు వంద కోట్ల‌కుపైనే ఖ‌ర్చుచేసింది. చివ‌ర‌కు 2004లో నాట‌కీయ ప‌రిణామ‌ల మ‌ధ్య వీర‌ప్ప‌న్‌ను షూట్ చేశారు. ఈ సంఘ‌ట‌న దేశ‌వ్యాప్తంగా సంచ‌ల‌నంగా మారింది.

వెబ్‌సిరీస్‌...

తాజాగా గంధ‌పు చెక్క‌ల స్మ‌గ్ల‌ర్ వీర‌ప్ప‌న్ జీవితంపై ఓ వెబ్‌సిరీస్ వ‌చ్చింది. వీర‌ప్ప‌న్ ది బండిట్ కింగ్ పేరుతో రూపొందిన ఈ సిరీస్ వేవ్స్ ఓటీటీలో రిలీజైంది. త‌మిళం, క‌న్న‌డంతో పాటు హిందీలో స్ట్రీమింగ్ అవుతోంది. ఎలాంటి స‌బ్‌స్క్రిప్ష‌న్ ఛార్జీలు లేకుండా ఈ సిరీస్‌ను చూడొచ్చ‌ని వేవ్స్ ఓటీటీ ప్ర‌క‌టించింది.

కాంతార కిషోర్‌...

ఈ వెబ్‌సిరీస్‌లో వీర‌ప్ప‌న్ పాత్ర‌లో కాంత‌ర ఫేమ్ కిషోర్ నటించాడు. సీనియ‌ర్ హీరో అర్జున్‌, ల‌క్ష్మిరాయ్‌తో పాటు ప‌లువురు ద‌క్షిణాది యాక్ట‌ర్స్ కీల‌క పాత్ర‌ల్లో న‌టించారు. ఏఆర్ ర‌మేష్ ఈ వెబ్‌సిరీస్‌కు ద‌ర్శ‌క‌త్వం వ‌హించాడు.
ఆరు ఎపిసోడ్స్‌తో వీర‌ప్ప‌న్ ది బండిట్ కింగ్ వెబ్‌సిరీస్ రూపొందింది. ఒక్కో ఎపిసోడ్ ర‌న్‌టైమ్ 45 నిమిషాల‌కుపైనే ఉండ‌టం గ‌మ‌నార్హం. వీర‌ప్ప‌న్ స్మ‌గ్ల‌ర్‌గా మార‌డానికి దారితీసిన ప‌రిస్థితుల‌తో పాటు పోలీసుల క‌న్నుగ‌ప్పి ఎనుగు దంతాలు, గంధ‌పు చెక్క‌ల‌ను ఎలా అక్ర‌మంగా ర‌వాణా చేశాడ‌న్న‌ది చూపించారు.ఈ వెబ్‌సిరీస్‌లో వీర‌ప్ప‌న్‌ను ప‌ట్టుకోవ‌డానికి ప్ర‌య‌త్నించే పోలీస్ ఆఫీస‌ర్‌గా అర్జున్ న‌టించారు. మొత్తం మూడు సీజ‌న్ల‌తో ఈ వెబ్‌సిరీస్‌ను తెర‌కెక్కించ‌బోతున్న‌ట్లు డైరెక్ట‌ర్ ఏఆర్ ర‌మేష్ ప్ర‌క‌టించారు.