High Court notices | సీవీ ఆనంద్, శివధర్‌ రెడ్డిల‌కు హైకోర్టు నోటీసులు

High Court notices | త్రినేత్ర‌.న్యూస్‌: తెలంగాణ నూత‌న డీజీపీగా సీవీ ఆనంద్ (CV Anand) బాధ్య‌త‌లు స్వీక‌రించిన మ‌రుక్ష‌ణ‌మే కీల‌క ప‌రిణామం చోటుచేసుకుంది. ఆయ‌న‌తో పాటు శివధర్‌ రెడ్డి (Shivadhar Reddy), జోయల్ డేవిస్ (Joyal davis), లింబాద్రి (Limbadri) లకు హైకోర్టు శుక్ర‌వారం నోటీసులు జారీ చేసింది. ట్రాఫిక్‌ చలానాల విషయంలో కోర్టు ధిక్కరణ కింద‌ నోటీసులు పంపింది. తన బైకును సీజ్‌ చేశారని మల్లికార్జున్‌ (Mallikharjun) అనే వ్యక్తి కోర్టు ధిక్కరణ పిటిషన్ దాఖలు చేయ‌గా కోర్టు స్పందించింది.

పెండింగ్ చలానాలు ఉంటే వాహనాలు సీజ్ చేయొద్దని గతంలో హైకోర్టు చెప్పినప్ప‌టికీ తన బైకును ట్రాఫిక్ పోలీసులు సీజ్‌ చేశారని మల్లికార్జున్‌ అనే వ్యక్తి కోర్టు ధిక్కరణ పిటిషన్ దాఖలు చేశారు. రాష్ట్ర హైకోర్టు ఉత్తర్వులను ట్రాఫిక్ పోలీసులు పట్టించుకోవట్లేదని ఆయ‌న పిటిషన్‌ వేశారు. ఈ నేపథ్యంలో హోంశాఖ సెక్రటరీ, డీజీపీ, ట్రాఫిక్ అదనపు సీపీకి హైకోర్టు నోటీసులిచ్చింది. రవాణా శాఖ కమిషనర్‌ను కూడా పిటిషనర్ ప్రతివాదిగా చేర్చారు. దీంతో కౌంటర్ దాఖలు చేయాలని ప్రతివాదులకు హైకోర్టు సూచించింది. తదుపరి విచారణను వచ్చే నెల 19కి వాయిదా వేస్తున్న‌ట్లు వెల్ల‌డించింది.