Panchayath Elections | అమెరికా నుంచి వ‌చ్చిన మామ ఓటుతో గెలిచిన కోడ‌లు

Panchayath Elections | కోడ‌లు పంచాయ‌తీ ఎన్నిక‌ల్లో (Panchayath Elections) బ‌రిలోకి దిగ‌డంతో అమెరికా (America)నుంచి మామ వ‌చ్చి ఓటేశాడు. తీరా ఓట్ల లెక్కింపు పూర్త‌యిన అనంత‌రం ఆమె ఒకే ఒక ఓటు తేడాతో విజ‌యం సాధించిన‌ట్లు అధికారులు ప్ర‌క‌టించారు. దీంతో ఆమె వెంట‌నే మామ ఆశీర్వాదం తీసుకుని కృత‌జ్ఞ‌త‌లు తెలిపారు. ఈ ఘ‌ట‌న నిర్మ‌ల్ (Nirmal) జిల్లా లోకేశ్వ‌రం మండ‌లం బాగాపూర్‌ (Bagapur) లో చోటు చేసుకుంది.
బాగాపూర్ గ్రామ పంచాయితీ ఎన్నిక‌ల‌ను అధికారులు రెండ‌వ విడత‌లో నిర్వ‌హించారు. ఈ ఎన్నిక‌ల్లో ముత్యాల శ్రీ‌వేద స‌ర్పంచ్‌గా బ‌రిలో నిలిచారు. విష‌యం తెలుసుకున్న ఆమె మామ ముత్యాల ఇంద్ర‌క‌ర‌ణ్‌రెడ్డి అమెరికా నుంచి వ‌చ్చి మ‌రీ త‌న ఓటు హ‌క్కును వినియోగించుకున్నాడు. ఊళ్లో మొత్తం 426 ఓట్లు ఉండ‌గా, వాటిలో 378 ఓటర్లు త‌మ ఓటు హ‌క్కును వినియోగించుకున్నారు. ఇందులో శ్రీ‌వేద‌కు 189 ఓట్లు రాగా, ప్ర‌త్య‌ర్థి హ‌ర్ష స్వాతికి 188 ఓట్లు మాత్ర‌మే వ‌చ్చాయి. ఒక ఓటు చెల్ల‌క‌పోవ‌డంతో శ్రీ‌వేద‌ను విజేత‌గా అధికారులు ప్ర‌క‌టించారు.