Horror OTT | ఓటీటీలో రిలీజైన సురేఖ‌వాణి కూతురు హార‌ర్ మూవీ – అమ‌రావ‌తిలో ద‌య్యాలు ఉన్నాయా?

Horror OTT | సురేఖావాణి కూతురు సుప్రీత అమ‌రావ‌తికి ఆహ్వానం మూవీతో ఇటీవ‌లే హీరోయిన్‌గా టాలీవుడ్‌లోకి ఎంట్రీ ఇచ్చింది. హార‌ర్ థ్రిల్ల‌ర్‌గా తెర‌కెక్కిన ఈ మూవీ తాజాగా ఓటీటీలోకి వ‌చ్చింది. ఆహా ఓటీటీలో స్ట్రీమింగ్ అవుతోంది.ఈ హార‌ర్ మూవీలో సుప్రీత‌తో పాటు ధ‌న్య బాల‌కృష్ణ‌, ఎస్తేర్‌, శివ కంఠ‌మ‌నేని కీల‌క పాత్ర‌ల్లో న‌టించారు. జీవీకే ద‌ర్శ‌క‌త్వం వ‌హించాడు.

కొత్త‌ద‌నం మిస్‌....

ఫిబ్ర‌వ‌రిలో థియేట‌ర్ల‌లో రిలీజైన అమ‌రావ‌తికి ఆహ్వానం ప్రేక్ష‌కుల‌ను మెప్పించ‌లేక‌పోయింది. ఫ్యామిలీ ఎమోష‌న్స్‌కు హార‌ర్ ఎలిమెంట్స్ జోడించి ద‌ర్శ‌కుడు ఈ సినిమాను తెర‌కెక్కించారు. కానీ క‌థ‌లో కొత్త‌ద‌నం లేక‌పోవ‌డం సినిమాకు మైన‌స్‌గా మారింది.

అమ‌రావ‌తిలో అడుగుపెడితే...

ఈశ్వ‌ర్ (శివ కంఠ‌మ‌నేని) పోలీస్ అఫీస‌ర్‌. చేయ‌ని త‌ప్పుకు స‌స్పెండ్ అవుతాడు. ఈశ్వ‌ర్ భార్య భానుమ‌తి (ధ‌న్య భాల‌కృష్ణ‌) ఆమె చెల్లెలు భార్గ‌వి (సుప్రీత‌) క‌లిసి ఓ యూట్యూబ్ ఛానెల్ న‌డుపుతుంటారు. ద‌య్యాలు లేవ‌ని భార్గ‌వి చేసిన ఓ వీడియో వైర‌ల్ అవుతోంది. ఓ అజ్ఞాత‌వ్య‌క్తి ఆమెకు ఫోన్ చేసి ఆమ‌రావ‌తికి ర‌మ్మ‌ని ఛాలెంజ్ చేస్తాడు. దాంతో ఫ్యామిలీ మొత్తాన్ని తీసుకొని భార్గ‌వి అమ‌రావ‌తికి అనే ఊరికి వ‌స్తుంది. అక్క‌డ ఈశ్వ‌ర్‌, భార్గ‌విల‌కు ఎలాంటి విచిత్ర‌మైన అనుభ‌వాలు ఎదుర‌య్యాయి? రాజేశ్వ‌రి (ఎస్తేర్‌) ఆత్మ వారిని ఎందుకు వెంటాడింది? త‌న కుటుంబాన్ని ఈశ్వ‌ర్ ఎలా కాపాడుకున్నాడు అన్న‌దే ఈ మూవీ క‌థ‌.

లేచింది మ‌హిళా లోకం....

అమ‌రావ‌తి ఆహ్వానం కంటే ముందు చౌద‌రిగారి అమ్మాయితో నాయుడి గారి అబ్బాయి అనే సినిమాను అంగీక‌రించింది సుప్రీత‌. కానీ ముందుగా ఆమ‌రావ‌తికి ఆహ్వానం రిలీజైంది. సుప్రీత ఓ హీరోయిన్‌గా న‌టించిన లేచింది మ‌హిళా లోకం మూవీ మార్చి 26న థియేట‌ర్ల‌లో రిలీజ్ కాబోతుంది. క్రైమ్ కామెడీగా తెర‌కెక్కిన ఈ మూవీలో సుప్రీత‌తో పాటు మంచు ల‌క్ష్మి, అన‌న్య నాగ‌ళ్ల‌, హ‌రితేజ కీల‌క పాత్ర‌ల్లో న‌టించారు.