Vaakiti Srihari meets Rajeev Ranjan Singh | తెలంగాణ మత్స్య అభివృద్ధికి స‌హ‌కరించండి: కేంద్ర‌మంత్రితో వాకిటి విజ్ఞ‌ప్తి

Vaakiti Srihari meets Rajeev Ranjan Singh | త్రినేత్ర‌.న్యూస్‌: తెలంగాణ మత్స్య అభివృద్ధి(Fisheries development) కి స‌హ‌క‌రించాల‌ని కేంద్ర పశుసంవర్ధక పాడి పారిశ్రామికాభివృద్ధి మత్స్య శాఖ మంత్రి రాజీవ్ రంజన్ సింగ్ ను రాష్ట్ర పశుసంవర్ధక, పాడి పారిశ్రామికాభివృద్ధి, మత్స్య, యువజన సర్వీసులు, క్రీడల శాఖ మంత్రి వాకిటి శ్రీహరి కోరారు. రాజేంద్రనగర్ లోని NFDB కార్యాలయంలో మంగ‌ళ‌వారం ఆయ‌న ప్ర‌త్యేక భేటీ (Special meet) అయ్యారు. మత్స్య శాఖ డైరెక్టర్ నిఖిల, పశు సంవర్ధక శాఖ అధికారి లక్ష్మీ నారాయణ తదితరులు ఉన్నారు.

ఈ సంద‌ర్భంగా కేంద్ర‌మంత్రితో వాకిటి మాట్ల‌డారు. పశు సంవర్ధక, పాడి, మత్స్య శాఖల్లో తెలంగాణ అమలు చేస్తున్న పథకాలను ఆయ‌న‌కు వివరించారు. కేంద్రం నుంచి తెలంగాణకు సహకారం అందించాల‌ని రాజీవ్ రంజ‌న్ సింగ్‌కు మంత్రి శ్రీహరి విజ్ఞ‌ప్తి చేశారు. అనంత‌రం రాజీవ్ రంజన్ సింగ్ కు జ్ఞాపిక‌ను అంద‌జేసి శాలువాతో ఘనంగా సత్క‌రించారు.