Sundeep Kishan | నితిన్‌తో అనుకొని సందీప్‌కిష‌న్‌తో అనౌన్స్ – ప‌వ‌ర్ పేట పోస్ట‌ర్ రిలీజ్‌

Sundeep Kishan | నితిన్ హీరోగా కృష్ణ చైత‌న్య ద‌ర్శ‌క‌త్వంలో ఓ సినిమా రావాల్సింది. స్క్రిప్ట్ కూడా లాక‌య్యింది. ఈ సినిమాకు ప‌వ‌ర్ పేట అనే టైటిల్‌ను అనుకుంటున్న‌ట్లు నితిన్ కూడా చెప్పాడు. ఇందులో ట్రిపుల్ రోల్‌లో క‌నిపించ‌బోతున్న‌ట్లు ప్ర‌క‌టించాడు. అనివార్య కార‌ణాల వ‌ల్ల‌ అఫీషియ‌ల్ అనౌన్స్‌మెంట్ రాక‌ముందే ఈ సినిమా ఆగిపోయింది.

సందీప్ కిష‌న్‌...

తాజాగా ప‌వ‌ర్ పేట మూవీని గురువారం అఫీషియ‌ల్‌గా అనౌన్స్‌చేశారు. అయితే నితిన్ కాకుండా సందీప్ కిష‌న్ ఈ సినిమాలో హీరోగా న‌టించ‌నున్న‌ట్లు ప్ర‌క‌టించారు. ఓ ప్రీ లుక్ పోస్ట‌ర్‌ను రిలీజ్ చేశారు. ర‌క్త‌తంతో త‌డిసిన ఓ చెస్ బోర్డ్‌, గులాబీ పువ్వు క‌నిపిస్తున్నాయి. ప్రేమ‌, గౌర‌వం, రాజ‌కీయం టైటిల్‌కు జోడించిన క్యాప్ష‌న్ ఆస‌క్తిని పంచుతోంది. పొలిటిక‌ల్ థ్రిల్ల‌ర్‌గా ప‌వ‌ర్ పేట తెర‌కెక్క‌బోతున్న‌ట్లు స‌మాచారం. ఇందులో డిఫ‌రెంట్ ఏజ్‌తో కూడిన క్యారెక్ట‌ర్స్‌లో సందీప్ కిష‌న్ క‌నిపించ‌బోతున్నాడ‌ట‌. అత‌డి కెరీర్‌లోనే మోస్ట్ ఇంటెన్స్ క్యారెక్ట‌ర్‌ను ఈ సినిమాలో చేయ‌బోతున్న‌ట్లు మేక‌ర్స్ చెబుతోన్నారు.

మ‌ణిశ‌ర్మ మ్యూజిక్‌...

ప‌వ‌ర్ పేట మూవీకి మ‌ణిశ‌ర్మ మ్యూజిక్ అందిస్తున్నాడు. 70 ఎంఎం ఎంట‌ర్‌టైన్‌మెంట్స్ బ్యాన‌ర్‌పై విజ‌య్ చిల్లా, శ‌శిదేవి రెడ్డి ఈ సినిమాను నిర్మిస్తున్నారు. త్వ‌ర‌లోనే ప‌వ‌ర్ పేట‌కు సంబంధించిన మ‌రిన్ని అప్‌డేట్స్ వెల్ల‌డిస్తామ‌ని మేక‌ర్స్ పేర్కొన్నారు.

సిగ్మా రిలీజ్‌...

ప్ర‌స్తుతం సందీప్ కిష‌న్ హీరోగా న‌టించిన సిగ్మా మూవీ రిలీజ్‌కు సిద్ధంగా ఉంది. యాక్ష‌న్ అడ్వెంచ‌ర్ థ్రిల్ల‌ర్‌గా తెర‌కెక్కిన ఈ సినిమాకు ద‌ళ‌ప‌తి విజ‌య్ త‌న‌యుడు జాస‌న్ సంజ‌య్ ద‌ర్శ‌క‌త్వం వ‌హిస్తున్నారు. ఫ‌రియా అబ్దుల్లా ఈ సినిమాలో హీరోయిన్‌గా న‌టిస్తోంది. సూప‌ర్ సుబ్బు పేరుతో ఓ కామెడీ వెబ్‌సిరీస్ చేశాడు. త్వ‌ర‌లో నెట్‌ఫ్లిక్స్‌లో ఈ సిరీస్ స్ట్రీమింగ్ కాబోతుంది.

లిరిసిస్ట్‌గా కెరీర్‌ను ప్రారంభించిన కృష్ణ చైత‌న్య‌...రౌడీ ఫెల్లో మూవీతో డైరెక్ట‌ర్‌గా మారాడు. ఛ‌ల్ మోహ‌న రంగ‌తో పాటు గ్యాంగ్స్ ఆఫ్ గోదావ‌రి సినిమాల‌ను తెర‌కెక్కించాడు.