Taskforce Rides | ఏ వ‌న్ చికెన్ షాప్‌పై దాడులు.. 800 కిలోల కుళ్లిన చికెన్ సీజ్‌

త్రినేత్ర‌.న్యూస్‌: కొన్నినెల‌ల క్రితం బేగంపేట‌లో వంద‌ల కిలోల కుళ్లిన మాంసం ప‌ట్టుబ‌డిన విష‌యం మ‌ర‌వ‌క‌ముందే తాజాగా జ‌రిపిన దాడుల్లో 800 కిలోల‌ కుళ్లిన చికెన్ (800 KG Rotten Chicken) బ‌య‌ట‌ప‌డింది. సికింద్రాబాద్ (Secunderabad) పార్సి గుట్ట‌లోని ఏ వ‌న్ ఫ్రెష్ చికెన్ షాప్ (A1 Chicken shop) లో మంగ‌ళ‌వారం సికింద్రాబాద్ టాస్క్‌ఫోర్స్, జీహెచ్ఎంసీ అధికారులు (Taskforce, GHMC Officers) సంయుక్తంగా దాడులు (Rides) నిర్వ‌హించారు.

చాలా రోజుల నుంచి నిలువ ఉంచిన చికెన్ అమ్ముతున్నట్లు గుర్తించారు. 800 కిలోల కుళ్లిన‌ చికెన్ స్వాధీనం చేసుకున్నారు. ఈ పాడైన చికెన్‌ను వైన్స్‌ల‌కు, బార్ల రెస్టారెంట్లకు స‌ర‌ఫ‌రా చేస్తున్న‌ట్లు అధికారులు గుర్తించారు. దీంతోపాటు ఈ చికెన్‌షాప్ లైసెన్స్‌ గ‌డువు గత జనవరి నెలలోనే ముగిసినట్లు పోలీసులు వెల్ల‌డించారు. ఈమేర‌కు కేసు నమోదు (case file) చేసి షాపు నిర్వాహ‌కుడు షకిల్ తో పాటు మరికొంత మందిని అదుపులోకి తీసుకున్నారు. విచార‌ణ అనంత‌రం పూర్తి వివ‌రాలు తెలియ‌జేస్తామ‌ని పోలీసులు తెలిపారు.

న‌గ‌రంలో ఎక్క‌డ చూసినా క‌ల్తీ రాజ్య‌మేలుతుంది. ఎటువంటి నాణ్య‌తా ప్ర‌మాణాలు పాటించ‌డం న‌గ‌రవాసిని క‌ల‌వ‌ర‌పెడుతోంది. బ‌య‌ట‌కెల్లి ఏం తినాల‌న్నా, ఇంటికి తెచ్చుకోవాల‌న్నా జంకే ప‌రిస్థితులు ఏర్ప‌డ్డాయి. పేర్ల‌లోనే ఫ్రెష్ అని రాస్తార‌ని, అమ్మే వ‌స్తువుల్లో నాణ్య‌త ఉండ‌డం లేదని ప‌లువురు మండిప‌డుతున్నారు. అధికారులు ఎప్ప‌టిక‌ప్పుడు దాడులు చేసి నాణ్య‌తా ప్ర‌మాణాలు పాటించేలా చూడాల‌ని కోరుతున్నారు.

 

[video width="848" height="478" mp4="https://www.trinethra.news/static-media/wp-content/uploads/2026/03/WhatsApp-Video-2026-03-17-at-2.52.47-PM-1.mp4"][/video]