Bail to Rohith Reddy | పైల‌ట్ రోహిత్‌రెడ్డికి బెయిల్‌.. హైకోర్టులో ఊర‌ట‌

Bail to Rohith Reddy | త్రినేత్ర‌.న్యూస్‌: మొయినాబాద్ (Moinabad) ఫామ్‌హౌస్‌ డ్ర‌గ్స్ కేసు (Drugs case) లో చంచ‌ల్‌గూడ జైళ్లో రిమాండ్ ఖైదీగా ఉన్న‌ తాండూరు మాజీ ఎమ్మెల్యే రోహిత్ రెడ్డి (Pilot Rohit Reddy)కి హైకోర్టు (High Court) లో ఊర‌ట ల‌భించింది. ఆయ‌న‌కు రాష్ట్ర హైకోర్టు షరతులతో కూడిన బెయిల్‌ మంజూరు చేసింది. రోజూ దర్యాప్తు అధికారి ఎదుట హాజరు కావాలని ఆదేశించింది. పాస్‌ పోర్టును పోలీసులకు సరెండర్‌ చేయాల‌ని షరతు విధించింది. దర్యాప్తునకు సహకరిస్తూనే, మ‌రోవైపు సాక్షులను ప్రభావితం చేయొద్దని ఆదేశించింది.

ఫామ్‌హౌస్‌ డ్రగ్స్‌ కేసులో పోలీసులు కేసు నమోదు చేసి రోహిత్‌రెడ్డితో పాటు మరో ఇద్దరిని గ‌త‌ మార్చి 14న అరెస్టు చేశారు. అనంత‌రం రిమాండ్‌కు తరలించారు. డ్రగ్స్‌ తీసుకోవడమే కాకుండా తనిఖీల కోసం వెళ్లిన ఎస్‌వోటీ పోలీసులపై కాల్పులు జరిపేందుకు యత్నించగా పోలీసులు కేసు నమోదు చేశారు. ఈ కేసులో భాగంగా పైలెట్‌ రోహిత్‌ రెడ్డి, ఆయన సోదరుడు, మరో నిందితుడిని పలుమార్లు ఇప్పటికే కస్టడీలోకి తీసుకొని ప్రశ్నించారు.

కాగా గతంలో ఉప్పర్‌పల్లి కోర్టులో రోహిత్‌రెడ్డి బెయిల్ పిటిష‌న్ దాఖలు చేయ‌గా దాన్ని కోర్టు తిర‌స్క‌రించింది. ఈ నేప‌థ్యంలో పైల‌ట్ ఈనెల 8న‌ హైకోర్టును ఆశ్రయించారు. ఆయ‌న‌ దాఖలు చేసిన బెయిల్‌ పిటిషన్‌పై ఇదివ‌రకే హైకోర్టులో వాదనలు ముగియ‌గా ఇవాళ హైకోర్టు ఉత్తర్వులు వెలువరించింది.