Allu Arjun – Ram Charan | అల్లు అర్జున్ పార్టీ – స్పెష‌ల్ గెస్ట్‌గా రామ్‌చ‌ర‌ణ్ – హాజ‌రైన టాలీవుడ్ హీరోయిన్లు వీళ్లే

Allu Arjun - Ram Charan |  టాలీవుడ్ హీరోలు రామ్ చ‌ర‌ణ్, అల్లు అర్జున్ చాలా రోజుల త‌ర్వాత ఒకే ఫ్రేమ్‌లో క‌నిపించారు. వీరిద్ద‌రు క‌లిసి దిగిన ఫొటో సోష‌ల్ మీడియాలో చ‌క్క‌ర్లు కొడుతోంది. అల్లు అర్జున్ సోద‌రుడు, టాలీవుడ్ హీరో అల్లు శిరీష్ పెళ్లి న‌య‌నిక‌తో మార్చి 6న జ‌రుగ‌నుంది. ఇప్ప‌టికే పెళ్లి ప‌నులు మొద‌లుపెట్టారు. అల్లు శిరీష్ పెళ్లి సంద‌ర్భంగా అల్లు అర్జున్ త‌న క్లోజ్ ఫ్రెండ్స్‌తో పాటు టాలీవుడ్ ప్ర‌ముఖుల‌కు స్పెష‌ల్ పార్టీ ఇచ్చాడు.

రామ్‌చ‌ర‌ణ్‌...

హైద‌రాబాద్‌లోని అల్లు అర్జున్ ఫామ్ హౌజ్‌లో ఏర్పాటుచేసిన ఈ పార్టీకి మెగా ప‌వ‌ర్ స్టార్‌ రామ్‌చ‌ర‌ణ్ అటెండ్ కావ‌డం ఆస‌క్తిక‌రంగా మారింది. ఒంట‌రిగా కాకుండా త‌న భార్య ఉపాస‌న‌తో క‌లిసి బ‌న్నీ పార్టీకి చ‌ర‌ణ్ హాజ‌ర‌య్యారు.
కాబోయే భార్య‌భ‌ర్త‌లు అల్లు శిరీష్, న‌య‌నిక‌ల‌తో క‌లిసి బ‌న్నీ - స్నేహా, రామ్‌చ‌ర‌ణ్ - ఉపాస‌న క‌లిసి దిగిన ఫొటో ఒక‌టి సోష‌ల్ మీడియాలో వైర‌ల్ అవుతోంది. ఇందులో అంద‌రూ బ్లాక్ డ్రెస్‌లోనే క‌నిపించారు. మెగా ఫ్యామిలీ నుంచి ఈ పార్టీలో రామ్‌చ‌ర‌ణ్‌, ఉపాస‌న‌తో పాటు సుస్మిత కొణిదెల‌, నిహారిక‌, వైష్ణ‌వ్‌తేజ్ కూడా పాల్గొన్న‌ట్లు స‌మాచారం.

కృతిశెట్టి, రాశీఖ‌న్నా...

అల్లు అర్జున్ ఇచ్చిన పార్టీకి ప‌లువురు టాలీవుడ్ హీరోలు, హీరోయిన్లు కూడా అటెండ్ అయిన‌ట్లు స‌మాచారం. తేజా స‌జ్జా, సిద్ధు జొన్న‌ల‌గ‌డ్డ‌, కృతిశెట్టి, రాశీఖ‌న్నా, న‌భా న‌టేష్‌, నేహా శెట్టి, సుశాంత్ కూడా బ‌న్నీ పార్టీలో పాల్గొన్నార‌ట‌.

అల్లు శిరీష్ న‌య‌నిక పెళ్లి హైద‌రాబాద్‌లోనే జ‌ర‌గ‌నున్న‌ట్లు స‌మాచారం. పెళ్లికి సంబంధించి తొలి వెడ్డింగ్ కార్డును మావ‌య్య మెగాస్టార్ చిరంజీవికి అందించారు అల్లు శిరీష్‌. కాగా అల్లు అర్జున్ పెళ్లి రోజు కూడా మార్చి 6నే కావ‌డం గ‌మ‌నార్హం.