Priyadarshi | కేసీఆర్‌గా ప్రియ‌ద‌ర్శి – మేకోవ‌ర్‌ వీడియో రిలీజ్‌

Priyadarshi | నాని హీరోగా న‌టించిన ప్యార‌డైజ్ మూవీ ఇటీవ‌లే ప్రేక్ష‌కుల ముందుకొచ్చింది. తెలంగాణ బ్యాక్‌డ్రాప్‌లో రూపొందిన ఈ మూవీ మిక్స్‌డ్ టాక్‌తో సంబంధం లేకుండా భారీగా క‌లెక్ష‌న్స్ రాబ‌డుతోంది. ఇప్ప‌టికే నైజాంలో బ్రేక్ ఈవెన్‌ను సాధించిన ఈ మూవీ లాభాల్లోకి అడుగుపెట్టింది. రెండు వంద‌ల కోట్ల వ‌సూళ్ల‌కు చేరువ‌లో ఉంది. నాని కెరీర్‌లో హ‌య్యెస్ట్ క‌లెక్ష‌న్స్ సాధించిన సినిమాల్లో ఒక‌టిగా ప్యార‌డైజ్ నిలిచింది.

అణిచివేత‌కు గురైన జాతి...

ప్యార‌డైజ్ సినిమాకు శ్రీకాంత్ ఓదెల ద‌ర్శ‌క‌త్వం వ‌హించారు. అణిచివేత‌కు గురైన త‌మ జాతికి గుర్తింపు తీసుకొచ్చేందుకు ఓ యువ‌కుడు సాగించిన పోరాటం నేప‌థ్యంలో ఈ మూవీ రూపొందింది. క‌య‌దు లోహ‌ర్ హీరోయిన్‌గా న‌టించిన ఈ సినిమాలో సీనియ‌ర్ న‌టుడు మోహ‌న్‌బాబు విల‌న్‌గా న‌టించాడు. సంపూర్ణేష్‌బాబు, సోనాలి కుల‌క‌ర్ణి కీల‌క పాత్ర‌లు పోషించారు.

శంక‌ర‌న్న‌...

ప్యార‌డైజ్‌లో శంక‌ర‌న్న అనే క్యారెక్ట‌ర్‌లో ప్రియ‌ద‌ర్శి క‌నిపించాడు. బీఆర్ఎస్ పార్టీ అధినేత‌ కేసీఆర్ మ్యాన‌రిజ‌మ్స్‌, బాడీలాంగ్వేజ్‌ను అనుక‌రిస్తూ సాగిన ఈ క్యారెక్ట‌ర్‌కు థియేట‌ర్ల‌లో మంచి రెస్పాన్స్ వ‌స్తోంది. ప్రియ‌ద‌ర్శి పాత్ర‌ను చూస్తుంటే కేసీఆర్‌ను చూసిన‌ట్లే ఉందంటూ సినిమా ల‌వ‌ర్స్ కామెంట్లు పెడుతోన్నారు. ప్యార‌డైజ్ సెకండాఫ్ ప్రియ‌ద‌ర్శి రోల్ హైలైట్‌గా నిలిచింది.

శంక‌ర్న మేక‌ర్‌...

తాజాగా శంక‌ర‌న్న పాత్ర కోసం తాను సిద్ధ‌మైన తీరును చూపిస్తూ ప్రియ‌ద‌ర్శి ఓ వీడియోను అభిమానుల‌తో పంచుకున్నారు. కేసీఆర్ రూపురేఖ‌ల‌తో క‌నిపించేలా ప్రోస్త‌టిక్ మేక‌ప్‌తో ఈ క్యారెక్ట‌ర్ కోసం మేకోవ‌ర్ అయ్యారు. చాలా మంది మేక‌ప్ ఆర్టిస్టులు ఇందుకోసం వ‌ర్క్ చేసిన‌ట్లుగా ఈ వీడియోలో క‌నిపిస్తోంది. ది మేకింగ్ ఆఫ్ శంక‌ర‌న్న పేరుతో ప్రియ‌ద‌ర్శి షేర్ చేసిన వీడియో నెటిజ‌న్ల‌ను ఆక‌ట్టుకుంటోంది.

The making of Shankar anna 🔥
@TheParadiseOffl

Thank you @FirstShowonline for the video. https://t.co/bBTMdnb1As

— Priyadarshi Pulikonda (@Preyadarshe) October 5, 2026